Чувашская газета "Урал сасси"

Май уявĕсем умĕн Мияки районĕнчи Еспуç ялне килсе кĕнĕ çĕртре вырнаçнă «Эпĕ Еспуç ялне юрататăп» стелăна чаплă лару-тăрура уçрĕç. Ăна наци стилĕпе килĕшÿллĕн чăваш эрешĕсемпе илемлетсе туса лартрĕç. Çапла майпа стела яла илем кÿнисĕр пуçне мăн асатте-асаннесен культурине хисеп тунин символĕ те пулса тăчĕ. «Эпĕ Еспуç ялне юрататăп» проект вырăнта пурăнакансен вăйĕпе пурнăçа кĕчĕ. Шăпах вĕсем укçа-тенкĕ енчен пулăшу пачĕç – пĕрремĕш эскизсенчен пуçласа стелăна вырнаçтариччен. Еспуç хастарĕсем, пуçару...

Çак кунсенче Федоровка тăрăхĕнчи Ашкатар ялĕнчи «Родничок» ача садĕнче пысăк пĕлтерĕшлĕ пулăм пулса иртрĕ – «Пĕрремĕшсен юхăмĕн» Раҫҫейри ҫамрӑксен юхăмĕн уйрăмĕ уçăлчĕ тата ачасене унăн йышне илчĕç. Савăнăçлă мероприятие ачасемпе вĕсен ашшĕ-амăшĕсем, воспитательсем, Пĕрремĕшсен Канашĕн пайташĕсем тата Ашкатар шкулĕнчи малтанхи уйрăмĕн наставникĕсем хутшăнчĕç. Пухăннисене «Родничок» ача сачĕн ертÿçи Татьяна Вальщикова (çак йĕркесен авторĕ), Ашкатар шкулĕн директорăн воспитани енĕпе ĕçлекен советникĕ тата малтанхи уйрăмăн кураторĕ Елена Васильева ăшшăн саламларĕç...

Апрель уйăхĕн 6-мĕшĕнче Çтерлĕпуç район центрĕнчи Культура керменĕнче «Туслăхăн çупкăмĕсем» («Соцветие дружбы») хăй пултарулăх коллективĕсен VIII республика фестивалĕ иртнĕ. Унта районти чи пултаруллă ушкăнсем хутшăнма тивĕçнĕ. Вĕсем «халăх» тата «тĕслĕхлĕ» ятсене илес е тепĕр хут çирĕплетес тесе хăйсен ятарлă программисене хÿтĕленĕ. Тетĕрпуç ялĕнчи «Çеçпĕл» чăваш ансамбльне республикăри халăх пултарулăх центрĕн компетентлă аттестаци комиссийĕ пысăк хак панă. Сцена ăстисен ушкăнĕ пуçласа «халăх ансамблĕ» ята илнĕ...

Март уйăхĕн 25-мĕшĕнче Ĕпхÿ хулинче Пушкăртстан Республикинчи Халăх пултарулăх центрĕн Эксперт канашĕн XXII ларăвĕ иртрĕ. Шăпах унта Авăркас районĕнчи Чăваш Нукасакĕ ялĕнче пурăнакан Надежда Степанова, Кармаскалă тăрăхĕнчи Сихун ялĕнчи Елена Степанова тата Суук-Чишмари Надежда Янтуганова чăваш хастарĕсем хутшăнчĕç. Надежда Михайловна пухăннисен умне чăваш апат-çимĕçĕн тĕп пуянлăхĕсенчен пĕрне – шăрттан – тăратрĕ. Наци апат-çимĕçне тата чăваш тумĕн пайĕсене хак паракан ĕçлĕ ушкăн йышĕнче филологи...

Март уйăхĕн 19-мĕшĕнче Ĕпхÿ наука тата технологисен университечĕн тутар тата чăваш филологи кафедри Тĕнчери халăхсен тăван чĕлхе кунне, Раççей халăхĕсен пĕрлĕхĕн çулталăкне, кăçал çавра çул тултаракан чăваш çыравçисене халалласа «Янăравлă чĕрĕ сăмах» илемлĕ вулав конкурсăн пĕтĕмлетĕвне турĕ. Ăмăрту икĕ тапхăрпа иртрĕ. Пултарулăх ăмăртăвĕн пĕрремĕш зонăри тапхăрне Пелепей хулинчи чăваш гимназийĕнче, Çтерлĕ хулинчи 5№ гимназире тата Çтерлĕпуç, Толбазă шкулĕсенче йĕркелерĕç. Авăркаспа Кармаскалă, Пелепейпе...