Уставные чтения

! В конец года представляем вам двойной подарок: - на нашем сайте появилась поддержка церковнославянского шрифта (в Юникоде) - и первой книгой, набранной в цс-формате (о чем давно уже спрашивали подписчики), будет Лествица в славянском переводе прп. Паисия Величковского...

) Память святы́х трие́х о́трок и Дани́ла проро́ка Стихи́: Пребоже́ственый ви́дит ны́не Тебе́ на престо́ле, Посе́чен Дани́л, не я́ко сном др́еве: С по́лу ме́ртвы три о́троки изъя́ша от ме́ста, Я́коже и от огня́ дре́вле, идяху же и к мечу́: В седмьна́десятый Дании́л посече́ние ви́дети восхоте́. Сей блаже́нный Дании́л проро́к от коле́на Иу́дова, ро́да изя́щна, ца́рския о́бласти, роди́ же ся в Вута́ре го́рней. Но и еще́ млад сый, приведе́н бысть от Иуде́и пле́нник в халде́йскую зе́млю, и проро́чествова се́дмьдесять лет...

) Па́мять свята́го проро́ка Агге́я Стихи́: Агге́й сосу́д испо́лнь яви́ся благода́тем, Я́ко веще́ствено времене́м сокруши́ся. В шестна́десятый Агге́я земля прият. Сей бе́яше от пле́мене Леви́ина, и рожде́н бысть в Вавило́не в пле́не. Еще́ и млад сый, прии́де от Вавило́на во Иерусали́м и проро́чествова с Заха́риею три́десять и шесть лет. Предвари́ша же воплоще́ние Христо́во за четы́реста и се́дмьдесять лет, и явле́нно о развраще́нии людсте́м проро́чествова, и ви́дев отча́сти созда́ние церко́вное. У́мре и погребе́н бысть близ гробо́в иерусали́мских пресла́вно, зане́же и той бя́ше от ро́да свяще́нническаго...

) Память свята́го священному́ченика Елевфе́рия Стихи́: Елевфе́рие, я́ко непорабоще́н ум естество́м, Ме́чеви сматря́я, не порабо́тив себе́ льсти, И́мже Елевфе́рие в пятьна́десятый мече́м у́мре. Сий бя́ше от гра́да Ри́мскаго, зело́ юн во́зрастом от отца́ осире́в, ма́терь же то́чию име́я, и́менем Анфи́ю, я́же и Христо́ве ве́ре святы́м Па́влом науче́на бы́вши. И приведе́н бысть сын ея́, святы́й Елевфе́рий, ко епи́скопу Аники́те, и от него святы́м кни́гам науче́н бысть, и ко кли́рическому чи́ну приобща́ется...

святы́х, Ева́нгелие от Матфе́я, сло́во 22:) Рече́ Госпо́дь: Всяк и́же испове́сть Мя пред челове́ки, испове́м его́ и Аз пред Отце́м Мои́м И́же на небесе́х. Толкова́ние: На муче́ние зде подвиза́ет учени́к Свои́х Христо́с, и сердца́ их устроя́ет, и подвиза́ет вся презира́ти хотя́щая им приходи́ти лю́тая и зла́я: си́речь, печа́ли и уничиже́ния, нахожде́ния же и вся́кия ины́я ско́рби, и напа́сти и беды́. Еще́ же и самы́я тоя́ сме́рти, повелева́ет презира́ти, и учи́т и укрепля́ет их, глаго́ля: Ева́нгелие: Не убо́йтеся от убива́ющих те́ло, ду́шу же не могу́щих уби́ти...