Уставные чтения

) Ме́сяца того́же, 31. Па́мять святы́х апо́стол от седми́десяти: Стахи́я, Ампли́я, Урва́на, Нарки́сса Стихи́: Стахи́е серпо́м скончава́емь, я́ко и клас, От сего́ жития́ быва́ет пожа́т Четверостру́нная апо́стольская цевни́це. В сих святы́й апо́стол Стахи́е поста́влен бысть византи́йский епи́скоп святы́м апо́столом Андре́ем. Созда́ же це́рковь во Аргипо́ли и в той собира́ше мно́гия христиа́ны и поуча́ше их. И та́ко в том жи́тельствовав шестьна́десять лет, с ми́ром у́спе, Ампли́я же и Урва́н и ти́и епи́скопи бы́ша и от того́ же свята́го апо́стола Андре́я...

) В то́йже день свята́го Маркиа́на, епи́скопа Сиракуси́йскаго, ученика́ свята́го апо́стола Петра́ Стихи́: Христо́ва раба́ благоу́мнаго Маркиа́на, Ну́ждею убива́ют христоуби́йцы иуде́и. Сей поста́влен бысть епи́скоп Петро́м апо́столом. И по́слан в Сираку́сы Сикили́йския. Хра́мы идо́льския, моли́твою разори́, и мно́гих ко и́стине приве́д...

) Ме́сяца окто́врия, в 30 день. Страсть святу́ю му́ченику, и самобра́тию, Зино́вия и Зинови́и Стихи́: Пожида́ет тебе́ мечь, Зино́вие, Терпеливому́дреная поне́ жена́ Зинови́я. Сия́ бы́ста в ца́рство Диоклитиа́ново, благочести́вых роди́телей ча́да. И у́бо Зино́вий ят быв, и предста́ иге́мону. И я́ко вопроша́емь бя́ше, вдаде́ себе́ на муче́ние, и сестра́ его́ Зинови́я...