Уставные чтения

) Ме́сяца того́же в 31 день. Предпра́зднество честна́го и животворя́щаго Креста́ Госпо́дня. И свята́го пра́веднаго Евдоки́ма Стихи́: Боже́ствене изво́лив отъи́ти от жития́ боже́ственый Евдоки́м: О́ле коне́ц житию́ прия́т Евдоки́ма гроб в три́десять пе́рвый. Той преподо́бный и блаже́нный оте́ц наш Евдоки́м, бе в ца́рство Фео́фила христоненави́стнаго царя́. Его́же роди́тели в жити́йстей сла́ве патри́кие бя́ху и правосла́внии, Васи́лий и́менем и Евдоки́я, каппадокия́не ро́дом. Тем подви́гся до́бре и́ми на доброде́тель Евдоки́м, канди́т Фео́филом почте́н быв, и стратопеда́рх учине́н...

) Страсть свята́го му́ченика Калли́ника Стихи́: Вве́ржен Калли́ник в пещь: Соодоле́в лю́дем, обре́те боже́ственый вене́ц. Калли́ник Христо́в му́ченик, бе от страны́ Килики́йския. Христиа́н же сый, и вся уча́ше сло́ву Бо́жию и удаля́тися от су́етных и́дол, Творца́ же Христа́ позна́ти вся́ческим. Тем ят бысть и приведе́н ко иге́мону, и от того́ во мно́ги му́ки вложе́н бысть. И в сапоги́ желе́зны с гвоздьми́ о́стрыми обуве́н и пону́жен бысть тещи́ пред ко́ньми до Акрага́нска гра́да, отстоя́щь верст о́смьдесять...

) В тойже день успение великаго князя Владимира Киевскаго, крестившаго землю Русскую Сей вели́кий князь Влади́мир бя́ше сын Святосла́вль, от пле́мени варя́жскаго. Пе́рвее же к и́долом мно́го тща́ние творя́ по о́тчу преда́нию, да егда́ восхоте́ Бог избра́ти Себе́ лю́ди но́вы, вдохну́ в сего́ благода́ть Свята́го Ду́ха, возбну́ я́ко от сна от лю́таго идолослуже́ния. И посла́ по всем язы́ком, испыта́я зако́ны их ка́ко ве́руют. И уве́дав святу́ю ве́ру гре́ческую, я́ко свещу́ на свети́ле, и рече́ в себе́: «Си́це да сотворю́, пойду́ в зе́млю их, и пленю́ гра́ды их, и обря́щу ту учи́теля»...

) Па́мять свята́го апо́стола Аки́лы, еди́наго от седми́десяти Стихи́: Избра́ннаго Па́стыря избра́н же и учени́к: Посыла́ше бо избра́ннаго Ти: Избра́нный сосу́де уловля́й Ти челове́ки: В четыринадеся́тый Аки́лу уби́ша неве́рия испо́лнении челове́цы. Сей святы́й апо́стол, бысть учени́к свята́го апо́стола Па́вла, и от него́ поста́влен бысть епи́скоп и́же мно́гое мно́жество от и́дольскаго обрати́ неи́стовства к богоразу́мию...