Nurtore TV

Сүйінші, Димаш Құдайберген ұлдарыңыз «Ағайынды Карич қоры» сыйлығына ие болды «Ағайынды Карич қоры» сыйлығын бұрын әлемге әйгілі ғылым, журналистика, экономика, мәдениет және өнер қайраткерлері алған. Айталық, физика бойынша Нобель сыйлығының лауреаты Ж. Алферов, әдебиет бойынша Нобель сыйлығының лауреаты П. Хандке, Қазақстанның Тұңғыш Президенті Н. Назарбаев, теннисші Н. Джокович осы марапатқа ие болған.

Мемлекет басшысы Қорғаныс министрі Руслан Жақсылықовты қабылдады Кездесу барысында қорғаныс саласында атқарылған жұмыстардың қорытындысы және әскердің жауынгерлік дайындығына қатысты жаңа тәсілдер, оқу базасы мен полигондардың жай-күйі туралы баяндалды. Руслан Жақсылықов мемлекеттік қорғаныс тапсырысын орындау мәселесіне, ұшқышсыз ұшатын ұшақ кешендерін, әуе шабуылына қарсы қорғаныс әскерлерінің қару-жарағын, жаңғыртылған бронды техника мен байланыс құралдарын қоса алғанда, авиациялық техниканың жаңа үлгілерімен қамтамасыз етуге ерекше назар аударды. Азаматтарды мерзімді әскери қызметке шақыру барысы, әскери қызметшілердің мәртебесі мен оларға берілетін ақшалай қаражатты арттыруға бағытталған шаралар туралы мәлімет берді. Қасым-Жомарт Тоқаев БҰҰ аясында жүзеге асырылатын миссияларға қатысу үшін қазақстандық бітімгерлік контингенттің әлеуетін арттыру қажет екенін атап өтті.

Мемлекет басшысы Қасым-Жомарт Тоқаев Халықаралық волонтер күнімен құттықтады – Бүгін – Халықаралық волонтер күні. Біз өзгеге қол ұшын беретін жандарды әрдайым құрметтейміз. Еріктілер мейірімділік пен сүйіспеншіліктің, тілектестік пен жауапкершіліктің озық үлгісін көрсетіп келеді. «Адал азамат» тұжырымдамасының тірегі – осы мызғымас құндылықтар. Қоғамға пайдалы іс-шараларға атсалысатын, қайырымдылық жобаларын жүзеге асыратын және мұқтаж адамдарға қамқорлық танытатын барша азаматтарға алғыс айтамын. Сіздердің жасампаздыққа толы қызметтеріңіз – шынайы отаншылдықтың көрінісі. Мемлекет волонтерлерге қолдау көрсете береді, – деп жазды Президент өзінің Х парақшасына.

Израиль төрт күндік келісімнен соң Газа аумағындағы тұрғын үйлерді әуеден атқылап жатыр. Премьер-Министр Биньямин Нетаньяхудың кеңесшісі Марк Регев не үшін мұндай әрекетке барып жатқандарын түсіндірді. «Егер біз қандай да бір нысанға соққы берсек, онда Хамас мүшелері жасырынып отыр деген сөз», – дейді ол.

Іш киіміне кіріп кете жаздады Ресейлік 25 жастағы “Моргенштерн” лақап атымен танымал репер Алишер Алматыда жеке концертін берді. Алайда концертке келгендер арсыздық пен азғындыққа куә болды. Тыңдарман қыздар сахнадағы жартылай жалаңаш репердің қарнын сипалаған видео Желіде таралды. “Іш киіміне кіріп кете жаздады. Адамгершілік чаттан шығып кетті” деп жазылды видео астына.