Patriot News.az

Stolüstü tennisçilər daha bir uğura imza atıblar Azərbaycanlı stolüstü tennisçilər Yağmur Məmmədli və Aylin Əsgərova III MDB Oyunlarında bürünc medal qazanıblar. Bu gün keçirilən qoşa yarışların yarımfinalında belaruslu Yana Zadsko–Sofiya Beliasava tandeminə 1:3 hesabı ilə məğlub olan idmançılarımız turniri üçüncü pillədə başa vurublar. Oğlanların qoşa yarışlarında isə Adil Əhmədzadə və Onur Quluzadə yarımfinalda Belarus cütlüyü – İvan Zaytsau və Aleksey Rabuşkanı 3:0 hesabı ilə məğlub edərək finala yüksəliblər. İdmançılarımız bu gün saat 18:00-da keçiriləcək həlledici qarşılaşmada rusiyalı Yevgeni Vasikov – Yevgeni Dosov tandemi ilə üz-üzə gələcəklər. Mənbə: Patriot News.az

Азербайджанская диаспора «Одлар Юрду» усиливает культурные связи в Ставрополе Ставрополь отметил свое 248-летие серией праздничных мероприятий, которые подарили горожанам атмосферу радости и единства. Концерты, фестивали, спортивные соревнования, творческие программы и открытие новых общественных пространств стали важной частью торжеств, собравших тысячи жителей и гостей города. В этих мероприятиях активное участие приняла азербайджанская диаспора Ставрополя «Одлар Юрду», возглавляемая Президентом организации Фахрадином Яриевым. Помимо ярких культурных номеров, которые познакомили жителей Ставрополя с традициями Азербайджана, представители диаспоры провели ряд содержательных встреч, направленных на укрепление диалога и расширение сотрудничества. Особое внимание было уделено вопросам развития гуманитарных и культурных связей между Азербайджаном и Россией. «Одлар Юрду» последовательно работает над тем, чтобы вносить вклад в укрепление взаимопонимания, дружбы и партнерства между двумя странами, используя такие праздники как площадку для общения и взаимодействия. Фахрадин Яриев подчеркнул: «Мы не ограничиваемся участием в праздничных программах. Для нашей диаспоры важно вести диалог, укреплять контакты и способствовать развитию азербайджано-российских отношений. Такие мероприятия становятся хорошей возможностью для обмена опытом и установления новых связей». Таким образом, участие азербайджанской диаспоры «Одлар Юрду» в праздновании 248-летия Ставрополя стало не только культурным вкладом в торжества, но и значимым шагом в укреплении межнационального согласия и развитии стратегического партнерства между Азербайджаном и Россией. @Patriot News.az

Kəpəzin yeni fan klubu yaradıldı Gəncənin simvolu olan "Kəpəz" futbol klubunun yeni fan klubu fəaliyyətə başlayıb. Artıq klubun azarkeş ordusuna qoşulan bu birlik, mövcud fan klublar — "Xəmsə" və "Ultra" ilə yanaşı, komandaya dəstək göstərəcək. Yeni fan klubun yaradılması Gəncə futbolunun daha coşqulu atmosferdə keçməsi və azarkeşlərin bir araya gəlməsi baxımından əhəmiyyətli addım kimi qiymətləndirilir. Biz də "Kəpəz" fan klubuna uğurlar arzulayırıq və inanırıq ki, bu birlik komandanın oyunlarına xüsusi rəng qatacaq. @Patriot News.az

Gəncədə tanınmış məşqçi İlqar Alıyevin 60 illiyi qeyd olunub Gəncədə Kinqboksinq Federasiyasının Qərb bölgəsi üzrə rəhbəri, əməkdar məşqçi İlqar Alıyevin 60 illik yubileyi münasibətilə tədbir keçirilib. Tədbirdə Gəncə–Daşkəsən Regional Gənclər və İdman İdarəsinin rəisi Elvin Quliyev, şəhərin idman ictimaiyyətinin nümayəndələri, məşqçilər, idmançılar və dostları iştirak ediblər. Yubiley mərasimində çıxış edənlər İlqar Alıyevin Azərbaycan idmanına, xüsusilə gənclərin sağlam ruhda böyüməsinə və kinqboksinqin inkişafına verdiyi böyük töhfələrdən söz açıblar. Onun tələbələrinin beynəlxalq və respublika miqyaslı yarışlarda əldə etdiyi nailiyyətlər xüsusi vurğulanıb. Tədbir zamanı hamı yubilyarı ürəkdən təbrik edib, ona uzun ömür, yeni uğurlar və tələbələri ilə birlikdə daha böyük qələbələr arzulayıblar. Sonda İlqar Alıyev göstərilən diqqət və qayğıya görə iştirakçılara minnətdarlığını bildirib və xatirə şəkli çəkdirilib. Ceyhun Əliyev

🫀 Stress və ürək: Niyə təhlükəlidir və necə qorunmalı? Müasir insan hər gün stresslə qarşılaşır. Amma çox vaxt düşünmürük ki, uzunmüddətli gərginlik təkcə psixologiyamıza deyil, həm də ürəyimizə ciddi zərər vurur. Stress zamanı orqanizmdə nə baş verir? Alimlərin araşdırmalarına görə, cəmi 10 günlük güclü narahatlıqdan sonra hüceyrələrdə xüsusi molekullar – iltihabı gücləndiricilər aktivləşir. Onlar əslində orqanizmi qorumaq üçün nəzərdə tutulub, amma xroniki stress zamanı öz toxumalarımızı zədələməyə başlayır. İlk növbədə isə ürək əzələsi və damarlar zərər görür. Nəticədə hipertoniya, aritmiya, infarkt və insult riski artır. Ürək həddindən artıq işləyir: təzyiq qalxır, damarlar daralır, yüklənmə artır. Stressin zərərini necə azaltmaq olar? Ürəyimizi qorumaq üçün sadə vərdişlərə əməl etmək kifayətdir: 7–8 saatlıq yuxu – yuxu zamanı həm sinir sistemi bərpa olunur, həm də iltihabi proseslər azalır. Daimi istirahət – gün ərzində 10–15 dəqiqəlik sükut və rahatlıq belə gərginliyi azaldır. Həddindən artıq yüklənməmək – önəmli işləri seçmək, əlavə məsuliyyətlərdən qaçmaq lazımdır. Gəzinti və yüngül fiziki aktivlik – stress hormonlarının səviyyəsini aşağı salır. Sağlam qidalanma – tərəvəz, balıq, qoz-fındıq və təbii məhsullar ürək-damar sistemini gücləndirir. Emosional dəstək – yaxınlarla söhbət və ya psixoloqla ünsiyyət daxili gərginliyi azaldır. Əsas qayda Stressdən qaçmaq mümkün deyil, amma unutmaq olmaz: ürəyimiz “dəmir” deyil. Normal yuxu, istirahət və daxili balans — sağlam ürəyin ən yaxşı təminatıdır. @Patriot News.az

Gəncə şəhərində MKTİB tərəfindən skamyalar və güldanlar boyanıb III MDB oyunlarına hazırlaşan Gəncədə abadlıq-quruculuq işləri sürətlə davam etdirilir. Patriot News.az-ın məlumatına görə, Gəncə şəhər Mənzil Kommunal Təsərrüfatı İstehsalat Birliyi (MKTİB) tərəfindən baş meydanda və ətraf ərazilərdə mövcud olan skamyalar, güldanlar, kiçik tutumlu zibil qabları boyanır. MKTİB-nin Təmir-tikinti və qəza xidməti şöbəsinin əməkdaşları tərəfindən aparılan işlərdə əsasən ağ və qəhvəyi rənglərdən istifadə olunur. Boyama prosesi bir neçə gün ərzində davam etdiriləcək. Qeyd edək ki, Gəncə şəhər Mənzil Kommunal Təsərrüfatı İstehsalat Birliyi tərəfindən həyata keçirilən bu kimi abadlıq tədbirləri, qədim şəhərin estetik görünüşünə əlavə gözəllik qatmaqla yanaşı, sakinlərin və qonaqların mənalı istirahətini və rahatlığını təmin etmək məqsədi daşıyır. Məlumat üçün bildirək ki, işlər Gəncə Şəhər İcra Hakimiyyətinin başçısı Niyazi Bayramovun tapşırığına əsasən, MKTİB rəhbəri Nurəhməd Əhmədovun birbaşa rəhbərliyi ilə həyata keçirilir. @Patriot News. az

30 Avqust – Beynəlxalq İtkin Düşmüşlər Günü Gəncədə Anılıb Gəncə şəhərində 30 Avqust – Beynəlxalq İtkin Düşmüşlər Günü ilə əlaqədar anım tədbiri keçirilib. Tədbir iştirakçıları əvvəlcə Şəhidlər xiyabanında itkin düşənlərin xatirəsinə ucaldılmış abidənin önünə gül dəstələri qoyaraq onların əziz xatirəsini ehtiramla yad ediblər. Tədbirdə çıxış edənlər arasında israfilli Amalya – itkinin həyat yoldaşı, İbrahimova Ellada – itkinin bacısı, Məmmədova Sevinc – itkinin həyat yoldaşı da yer alıblar. Onlar illərdir yaxınlarının taleyi ilə bağlı yaşadıqları ağrı-acını bölüşərək bu məsələnin beynəlxalq ictimaiyyətin diqqətində saxlanmasının vacibliyini vurğulayıblar. Çıxışlarda qeyd olunub ki, Azərbaycanın müstəqilliyi və ərazi bütövlüyü uğrunda itkin düşənlərin taleyi xalqımızın ümumi dərdidir və ailələrin bu faciəni yaşaması hər kəsi dərindən sarsıdır. Tədbirdə xüsusi olaraq vurğulanıb ki, itkinlərin taleyi Azərbaycan dövlətinin daim diqqət mərkəzindədir. Dövlət rəhbərliyi, aidiyyəti qurumlar və beynəlxalq təşkilatlarla aparılan işlərin əsas məqsədi itkinlərin taleyinə aydınlıq gətirmək və ailələrin uzun illərdir davam edən gözləntilərinə son qoymaqdır. 👉 Anım mərasimi həm də itkin düşənlərin ailələrinə mənəvi dəstək göstərmək, onların səsini ictimaiyyətə və beynəlxalq aləmə çatdırmaq məqsədi daşıyıb. @Patriot News.az

Zirə Kəpəzi darmadağın etdi – 5:0 Azərbaycan Premyer Liqasının III turu Zirə klubunun parlaq qələbəsi ilə yadda qaldı. Komanda öz meydanında Kəpəzi 5:0 hesabı ilə darmadağın edərək mövsümə iddialı başladığını bir daha göstərdi. Zirə ilk dəqiqələrdən oyuna tam nəzarət etdi, sürətli hücumları, dəqiq ötürmələri və yüksək pressinqi ilə rəqibini meydanda çarəsiz qoydu. Hər bir qol həm taktiki ustalığın, həm də fərdi məharətin nümunəsi idi. Zirə futbolçuları oyunu istədikləri kimi diktə edir, meydanda tam dominantlıq nümayiş etdirirdilər. Komandanın həm hücum xətti, həm də müdafiə zolağı ahəngdar çıxış edərək rəqibə heç bir şans vermədi. Kəpəz isə oyunun əvvəlindən sonuna qədər heç bir ciddi müqavimət göstərə bilmədi. Komandanın oyun planı tamamilə uğursuz alındı – hücumlar qurula bilmədi, orta xətt tam sıradan çıxdı, müdafiə isə dəfələrlə səhvlərə yol verərək ağır hesablı məğlubiyyətə səbəb oldu. Xüsusilə ikinci hissə Kəpəz üçün tam fiasko oldu – komanda Zirə qapısına bir dəfə belə zərbə endirə bilmədi. Bu, Gəncə təmsilçisinin hazırkı durumunun acı mənzərəsini açıq şəkildə göstərdi. Nəticədə Zirə öz azarkeşlərinə möhtəşəm qələbə bəxş etdi, Kəpəz isə meydanı ağır və üzücü nəticə ilə tərk etdi. Görünür, Gəncə klubunun rəhbərliyi və məşqçilər korpusu ciddi addımlar atmalı, komandanın oyununa təcili müdaxilə etməlidir. Əks halda belə məğlubiyyətlər mövsüm ərzində ardıcıl davam edə bilər. ⚽ Zirə – 5 Kəpəz – 0 Ceyhun Əliyev

Qarabağ qaziləri Daşkəsənin məhsul bayramında – kənd zəhmətinə hörmət, qazilərə ehtiram 19 iyul Daşkəsən rayonunda keçirilən Kənd Təsərrüfatı Məhsulları Festivalı bölgənin ictimai və sosial həyatında mühüm hadisəyə çevrildi. Yerli fermerlərin məhsulları, sənətkarların əl işləri və milli ruhda təşkil olunan tədbir əsl kənd zəhmətinin bayramı oldu. Festivalda Qarabağ qaziləri İctimai Birliyinin Gəncə filialının sədri Eyvaz Hüseynov və birlik üzvləri də iştirak etdilər. Onlar sərgi pavilyonlarını ziyarət etdilər, yerli istehsalçılarla tanış oldular və kənd təsərrüfatının inkişafı ilə bağlı fikir mübadiləsi apardılar. Tədbirin ən önəmli məqamlarından biri Daşkəsən Rayon İcra Hakimiyyətinin başçısı Orxan Abbasovun Qarabağ qaziləri ilə keçirdiyi səmimi görüş oldu. RİH başçısı qaziləri salamlayaraq onların bu cür ictimai tədbirlərdə iştirakını yüksək qiymətləndirdi: > “Qarabağ qaziləri bizim milli qürurumuzdur. Onların festivala qatılması cəmiyyətimiz üçün nümunə, gənc nəsil üçün isə motivasiya mənbəyidir. Biz hər zaman qazilərimizin yanındayıq və bu birgə iştirak həmrəylik ruhumuzu daha da gücləndirir.” Qarabağ qaziləri İctimai Birliyinin Gəncə filialının sədri Eyvaz Hüseynov çıxışında belə festivalların yalnız kənd təsərrüfatını deyil, milli həmrəyliyi də gücləndirdiyini vurğuladı: > “Biz qazilər bu torpaqları yalnız müharibədə deyil, sülh dövründə də qorumağa və inkişaf etdirməyə borcluyuq. Yerli istehsalçının əziyyətini dəyərləndirmək, onun məhsulunu tanıtmaq bizim üçün vətənə xidmətin başqa bir formasıdır.” Festival çərçivəsində təşkil olunan məhsul yarmarkası, musiqi proqramları, folklor çıxışları və uşaq əyləncələri tədbirə rəng qatdı. Ənənəvi və innovativ kənd məhsullarının təqdim olunduğu sərgidə həm də ətraf rayonlardan gələn qonaqlar üçün satış imkanları yaradıldı. Bu tip tədbirlər yalnız yerli iqtisadiyyata deyil, həm də vətəndaş cəmiyyətinin inkişafına, bölgələrarası əməkdaşlığın möhkəmləndirilməsinə, eyni zamanda qazilərlə cəmiyyət arasında bağların güclənməsinə mühüm töhfə verir. Ceyhun Əliyev

Kəpəzdə "analoqu olmayan" idarəçilik uğursuzluğa düçar oldu Kəpəz futbol klubunun yeni rəhbərliyi vəd etdiyi kimi “yenilənmiş idarəetmə modeli” ilə klubu idarə etməyə çalışdı. Lakin hadisələrin gedişi göstərdi ki, bu model nə praktik, nə də effektiv oldu. İdarə Heyətinin sədri, iş adamı Namiq Qədirov, əsasən xaricdə oturaraq kluba məsafədən rəhbərlik etməyə üstünlük verirdi. O, köməkçilərindən aldığı məlumatlara əsaslanaraq tapşırıqlar verir, həmin köməkçilər isə əsas iş yerlərində çalışmaqla yanaşı, Bakıda oturaraq Gəncədə fəaliyyət göstərən əməkdaşlara göstəriş ötürürdülər. Bu isə, əslində, “zəncirin qırılması”na səbəb olurdu — yuxarıdan verilən tapşırıqlar havada asılı qalır, yerinə yetirilməmiş qalırdı. Bu qeyri-ənənəvi və analoqu olmayan idarəetmə sistemi nə futbolçulara, nə azarkeşlərə, nə də klubun daxilində çalışanlara fayda verdi. Həyat və nəticələr göstərdi ki, məsafədən idarəçilik və real nəzarətin olmaması bu cür kollektiv struktura malik qurum üçün effektiv deyil. Müəllif: Ceyhun Əliyev

Gəncədə şəhid övladları üçün növbəti dəfə “Yay məktəbi” təşkil olunub Gəncə Şəhər İcra Hakimiyyətinin dəstəyi və Yeni Azərbaycan Partiyası (YAP) Gəncə şəhər təşkilatının təşəbbüsü ilə şəhid övladları üçün növbəti “Yay məktəbi” təşkil olunub. Dörd gün davam edəcək proqram çərçivəsində ilk gün iştirakçılar Gəncə Şəhidlər Xiyabanını ziyarət edib, “Əbədi məşəl” abidəsinin önünə gül dəstələri düzüblər. Ziyarət zamanı onları Gəncə Şəhər İcra Hakimiyyətinin başçısı Niyazi Bayramov, YAP Gəncə şəhər təşkilatının sədri Bayram Aslanov, icra hakimiyyətinin məsul əməkdaşları və partiya fəalları müşayiət edib. Sonra uşaqlar YAP Gəncə şəhər təşkilatının qərargahında partiya sədri Bayram Aslanovla görüşüblər. Görüş zamanı Bayram Aslanov vurğulayıb ki, Vətən uğrunda canını fəda edən şəhidlər heç vaxt unudulmur, onların xatirəsi daim əziz tutulur və adları əbədiləşdirilir: > “Şəhid ailələri Prezident cənab İlham Əliyev və Birinci vitse-prezident Mehriban xanım Əliyevanın daimi diqqət və qayğısı ilə əhatə olunublar. 44 günlük Vətən müharibəsində şəhidlərin göstərdiyi qəhrəmanlıq və ailələrinin nümayiş etdirdiyi dözüm, təmkin gənclər üçün örnəkdir.” “Yay məktəbi” proqramı çərçivəsində iştirakçılar növbəti günlərdə Heydər Əliyev Mərkəzini ziyarət edəcək, Ümummilli Liderin abidəsi önünə gül dəstələri qoyacaq, onun həyat və fəaliyyətinə dair sərgi ilə tanış olacaqlar. Proqramın üçüncü günündə isə uşaqlar Gəncədə yerləşən tarixi “İmamzadə” dini kompleksinə ekskursiya edəcəklər. Sonuncu – dördüncü gündə isə iştirakçılar Göygöl Dövlət Təbiət Qoruğunu və Göygöl rayonu ərazisində yerləşən “Xan yurdu” yaylaq düşərgəsini ziyarət edəcəklər. Qeyd edək ki, layihənin əsas məqsədi şəhid övladlarının dünyagörüşünün genişləndirilməsi, onların bilik və bacarıqlarının artırılması, eləcə də yay tətilini mənalı və səmərəli keçirmələri üçün şərait yaratmaqdır. @PatriotNews.az