Жития Святых и молитвы .

Тропарь, глас 4 Воздержа́нием по́стничества и муче́ния кро́вию/ ты, стяжа́в вене́ц неувяда́емый, священному́чениче Лукиа́не,/ Антиохи́йская похвало́,/ о нас моли́ Христа́ Бо́га,// творя́щих святу́ю па́мять твою́. Перевод: Воздержанием постничества и мученической кровью ты стяжал венец неувядаемый, священномученик Лукиан, слава Антиохии, моли Христа Бога о нас, празднующих святую память твою. Ин тропарь, глас 4 Му́ченик Твой, Го́споди, Лукиа́н/ во страда́нии свое́м вене́ц прия́т нетле́нный от Тебе́, Бо́га на́шего,/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами// спаси́ ду́ши на́ша. Кондак, глас 2 В поще́нии пе́рвее просия́вшаго,/ и во страда́нии второ́е светя́ща,/ вси, я́ко свети́ло пресветле́йшее,/ Лукиа́на пе́сньми сла́вно почти́м,// моля́щаго непреста́нно о всех нас. Перевод: В пощении сначала просиявшего, а потом в мученичестве освятившегося, все, как светило преяркое, Лукиана молитвенными песнопениями славно почтим, молящего непрестанно обо всех нас. Ин кондак, глас 4 Я́ко святи́тель благоче́стно пожи́в/ и священномуче́ния вене́ц прия́т,/ и́дольския же́ртвы погаси́л еси́,/ до́брый па́стырь Христо́ву ста́ду бысть, прему́дре Лукиа́не./ Сего́ ра́ди тя почита́ем, пе́сньми вопию́ще:// от бед изба́ви нас при́сно моли́твами свои́ми. Перевод: Как святитель благоговейно послужив и священномучения венец получив, идольские жертвы упразднил ты, став добрым пастырем Христова стада, премудрый Лукиан. Потому тебя почитаем, в молитвенных песнопениях взывая: от бед нас всегда избавляй молитвами твоими. Величание Велича́ем тя, священному́чениче Лукиа́не, и чтим святу́ю па́мять твою́, ты бо мо́лиши за нас Христа́ Бо́га на́шего.

Тропарь, глас 8 В тебе́, о́тче, изве́стно спасе́ся, е́же по о́бразу:/ прии́м бо Крест, после́довал еси́ Христу́,/ и, де́я, учи́л еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней;// те́мже и со А́нгелы сра́дуется, преподо́бне Евфи́мие, дух твой. Перевод: В тебе, отче, точно сохранилось то, что в нас по Божию образу: ибо взяв свой крест, ты последовал за Христом, и делом учил пренебрегать плотью, как преходящей, заботиться же о душе, творении бессмертном. Потому и радуется с Ангелами, преподобный Евфимий, дух твой. Кондак, глас 2 Волне́ний мно́жества невла́жно преходя́,/ безпло́тныя враги́ струя́ми слез твои́х/ кре́пко погрузи́л еси́,/ Богому́дре Евфи́мие преподо́бне:/ и, чуде́с дар прие́м,/ исцеля́еши стра́сти вся́кия,// моли́ непреста́нно о всех нас. Перевод: Сквозь многие бури сухим проходя, бесплотных врагов потоками слез твоих ты потопил, Богомудрый преподобный Евфимий, и, получив дар чудотворений, исцеляешь всякие страсти, моли непрестанно о всех нас. Величание Ублажа́ем тя, преподо́бне о́тче Евфи́мие, и чтим святу́ю па́мять твою́, наста́вниче мона́хов и собесе́дниче а́нгелов.

Тропарь, глас 4 И нра́вом прича́стник, и престо́лом наме́стник апо́столом быв,/ дея́ние обре́л еси́, Богодухнове́нне, в виде́ния восхо́д./ Сего́ ра́ди, Сло́во И́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Лукиа́не,// моли́ Христа́ Бо́га спасти́ся душа́м на́шим. Перевод: И нравам Апостольским сопричастником, и престола их наследником став, делами ты, Богодухновенный, восхождения к созерцанию достиг; потому слово истины право возвещая, ты за веру пострадал до крови, священномученик Лукиан, ходатайствуй пред Христом Богом о спасении душ наших. Кондак, глас 4 Во свяще́нстве и и́ночестве благоче́стно пожи́в/ и муче́ния путь проше́д,/ мучи́теля и бесо́вская по́лчища посрами́л еси́/, те́мже, почита́юще тя, та́ко вопие́м ти:// от бед изба́ви ны при́сно твои́ми мольба́ми, о́тче наш Лукиа́не.

Тропарь, глас 3 Пречи́стая Де́во Мари́е, Ма́ти Царя́ небеси́ и земли́,/ благоутро́бно призира́еши на лю́бящих Сы́на Твоего́, Христа́ Бо́га на́шего,/ и тружда́ющихся во и́мя Его́ ве́чнаго ра́ди спасе́ния,/ и подае́ши и́м вся́ оби́льно к наслажде́нию./ Спори́тельнице су́щи хле́бов и́м,/ избавля́я и́х вся́кия ну́жды и утесне́ния,// и устроя́я и́м, рабо́м Твои́м су́щим, избавле́ние ве́чныя му́ки и жи́знь ве́чную. Перевод: Пречистая Дева Мария, Матерь Царя неба и земли, Ты милосердно призираешь на любящих Сына Твоего, Христа Бога нашего, и трудящихся во имя Его ради вечного спасения, и подаешь им все обильно для наслаждения. Являясь Спори́тельницей хлебо́в им, избавляя их от всякой нужды и стеснения, и уготовляя им, рабам Твоим, избавление от вечной му́ки и жизнь вечную. Молитва О, Пресвята́я Де́во Богоро́дице, Преми́лостивая Влады́чице, Цари́це Небесе́ и земли́, вся́каго до́ма и семе́йства христиа́нскаго Благоустрои́тельнице, тружда́ющихся благослове́ние, нужда́ющихся неистощи́мое бога́тство, си́рых и вдови́ц и все́х люде́й Корми́тельнице! Пита́тельнице на́ша, ро́ждшая Пита́теля Вселе́нныя и Спори́тельнице хле́бов на́ших, Ты́ Влады́чице, ниспосылаеши Твое́ Ма́тернее благослове́ние градо́м на́шим, села́м и ни́вам и коему́ждо до́му, на Тя́ упова́ние иму́щему. Те́мже с благогове́йным тре́петом и сокруше́нным се́рдцем смире́нно мо́лим Тя́: бу́ди и на́м, гре́шным и недосто́йным рабо́м Твои́м, му́драя Домострои́тельнице, житие́ на́ше до́бре устроя́ющая. Вся́кое же соо́бщество, вся́кий до́м и семе́йство во благоче́стии и правосла́вии, единомы́слии, послуша́нии и дово́льстве соблюди́. Ни́щия и неиму́щия пропита́й, ста́рость поддержи́, младе́нцы воспита́й, все́х вразуми́ преи́скренне взыва́ти ко Го́споду: «Хле́б на́ш насу́щный да́ждь на́м дне́сь». Сохрани́, Пречи́стая Ма́ти, лю́ди Твоя́ от вся́кия ну́жды, боле́зни, гла́да, губи́тельства, гра́да, огня́, от вся́каго зла́го обстоя́ния и вся́каго нестрое́ния. Оби́тели на́шей (ве́си), дома́м и семе́йствам и вся́кой души́ христиа́нстей и все́й стране́ на́шей исхода́тайствуй ми́р и ве́лию ми́лость, да сла́вим Тя́, Преми́лостивую Пита́тельницу и Корми́тельницу на́шу, ны́не и при́сно, и во ве́ки веко́в. Ами́нь.