Марат Губайдуллин (АЙБАШ)

ТАТАРСТАННЫҢ ХАЛЫК АРТИСТЫ, КҮРЕНЕКЛЕ ҖЫРЧЫ РЕЗЕДӘ РИНАТ КЫЗЫ ТӨХФӘТУЛЛИНАНЫҢ ТУУЫНА 56 ЕЛ Туган урыны: Төхфәтуллина Резедә Ринат кызы 1970 елның 3 июнендә Татарстан Республикасының Югары Ослан районы, Ключище авылында туа. Мактаулы исеме: “Һай, былбылым - 2000” конкурсы дипломанты (2000) Татарстан Республикасының атказанган артисты (2002) “Татар жыры” конкурсы дипломанты ( 2004) Татарстан Республикасының халык  артисты (2008) Татарстан Республикасы Мәдәният министрлыгының Мактау грамотасы (2018) Татарстан Республикасының “Фидакарь хезмәте өчен” медале (2020) Татарстан Республикасы Театр әһелләре берлегенең Рәхмәт хаты (2023) Татарстан Республикасы Рәисенең Рәхмәт сүзе (2025) Белеме: Казан театр училищесы; Казан дәүләт мәдәният һәм сәнгать университеты (хәзер институт) Театрда: 1989 нчы елдан Рольләре: Зөләйха Әни килде Әминә Бәхет хакы Рәсимә Яратам! Бетте-китте! Хәдичә, Маһруйбикә, Беренче карчык, Маһирә Алай түгел, болай ул Шәмсебану Чулпан Хәлимә Күрәсем килгән иде… Автор Әллә язмыш, әллә ялгыш… Эльвира Бәйрәм белән, кызлар! Зәмзәмия Мәхәббәт чишмәсе Зөбәрҗәт Танышулар-кавышулар Рәвия Париж егете Әлфәнис

1 НЧЕ ИЮНЬ - КҮРЕНЕКЛЕ ТАТАР КОМПОЗИТОРЫ РЕЗЕДА ӘХИЯРОВАНЫҢ ТУУЫНА 70 ЕЛ Заманабызның күренекле композиторы, ТРның, РФның атказанган сәнгать эшлеклесе, Татарстанның халык артисты, Г. Тукай исемендәге дәүләт бүләге иясе Резеда Ахиярова бүген үзенең 70 яшьлек юбилеен билгеләп үтә. Резеда Зәки кызы Ахиярова 1956 елның 1 июнендә Башкортстан Республикасының Илеш районы Югары Яркәй авылында туган. Музыка буенча башлангыч белемне Казанның 7 нче балалар музыка мәктәбендә скрипка сыйныфында алган. 7 яшеннән Л.И.Блинов сыйныфында композиция буенча да укыган. Музыка училищесын, Казан дәүләт консерваториясен тәмамлаган. Резеда Ахиярова − татар музыка сәнгатен яңа төсмерләргә баеткан, күптөрле жанрларда бердәй уңыш белән эшләүче композиторлардан берсе. Вокал, симфония, театр, кино өчен музыка төрләрендә даими эшчәнлек алып бара. Аның әсәрләренә ышандыру көче, эмоциональлек, лирика, романтика, гуманлылык, табигыйлык хас. Р. Ахиярова иҗат иткән көйләр Мәскәү, Санкт-Петербург кебек зур калаларда, Идел буе, Урал шәһәрләрендә һәм чит илләрдә − Америкада, Алманиядә, Австриядә яңгырый. Ул 100 дән артык романс һәм Хәсән Туфан, Роберт Миңнуллин, Илдар Юзеев, Разил Вәлиев, Ренат Харис, Әнгам Атнабаев сүзләренә язылган 200 дән артык җыр, драма спектакльләре өчен язылган көйләр авторы. Шулай ук, Габдулла Тукайның эчке дөньясын ачып биргән “Шагыйрьнең мәхәббәте” операсы (Ренат Харис либреттосы), Илгиз Зәйниев пьесасы буенча “Бәби” мюзиклы, “Тукай" кинофильмына, “Алтын Урда” балетына музыка иҗат иткән шәхес.

1 НЧЕ ИЮНЬ - БАЛАЛАРНЫ ХАЛЫКАРА ЯКЛАУ КӨНЕ

МӘКТӘП ЕЛЛАРЫ БУ ҖЫРЫМ БАРЛЫК УКЫТУЧЫЛАРЫМА, БЕРГӘ БЕЛЕМ АЛГАН КЛАССТАШЛАРЫМА, КУРСТАШЛАРЫМА ҺӘМ УКУЧЫЛАРЫМА БАГЫШЛАНА. erlar.ru/node/6425 Марат Гобәйдуллин көе һәм сүзләре Балачак иленнән аерылабыз инде, Безне алга дәшә гомер юллары. Соңгы кыңгырау чыңлый никтер моңсу гына, Сакланыр йөрәктә аның моңнары. Кушымта: Кайларга илтсә дә безне язмышлар, Мәңге истә калыр мәктәп еллары. Бергә белем алган дуслар, классташлар, Ямьле балачакның шатлыклы җырлары. Әле кайчан гына тәүге кабат атлап, Килгән идек бергә белем иленә. Күпме еллар үткән бер дә сизелмичә, Алга дәшә юллар, күңел җилкенә. Кушымта: Ихлас рәхмәтебез бүген чиксез сезгә, Тәрбия, белем биргән укытучылар. Олы юлга дәшкән соңгы моңлы кыңгырау Безнең күңелләрдә әле мең чыңлар. Кушымта: (27.05.2022)