1095 жылы Клермон қаласында Еуропа халықтарына Христиан дінінің қасиетті қаласын "азат етуге" бағытталған үндеу тасталды.
- Иерусалим қаласы - иудаизм, христан және ислам дінін ұстанатын халықтар үшін қасиетті қала саналады.
- Иудаизм дінін ұстанатын еврей халқының Иерусалим қаласында Құдайға арналған бірінші және екінші храмдары салынған. Иерусалим қаласы - ежелгі еврей халқының Израиль мемлекетінің астанасы болған. Еврей халқының қасиетті кітаптарында Иерусалим қаласы жайлы мағлұматтар жазылған.
- Христандар үшін Иерусалим қаласы Иса пайғамбардың өмір сүріп, үндеу таратып, қайтыс болған қаласы саналады. Христиан дінінің кітаптарында Иерусалим қаласы жайлы айтылады. Христиандар - Иерусалимді Құдайдың қаласы деп санайды.
- Ал Ислам дінін ұстанатын мұсылмандар халықтары үшін Иерусалим қаласы Құдыс деп аталып алғашқы мінәжат ету бағыты саналған. Иерусалим қаласында мұсылман халықтары үшін Мекке мен Медина қалаларынан кейінгі қасиетті орын Әл-Акса мешіті орналасқан.
Иерусалим қаласының Азия, Африка және Жерорта теңізінің түйіскен жерінде орналасуы үлкен экономикалық мүмкіншіліктерді сыйлады.
Рим католик шіркеуінің басшысы Урбан екіншісінің Иерусалим қаласын қайтару жорығын 15 тамыз деп жарияламас бұрын Клермон қаласындағы үндеуін тыңдаған адамдар, қаруланып - қаруланбай жорыққа шыға бастады.
Жалпы Иерусалимді алуға бағытталған үш бағытта қозғалды.
1. Петр Пустынниктің үндеуіне ерген шаруалар мен кедейлері жорығы Италия мен Шығыс Еуропа өңірлерінен басталып Византияға қарай бағытталды. Бұл жорыққа қатысушылар ұзақ жол мен азық-түлік жетіспеушілігінен Болгария, Венгрия корольдігінің иеліктерін тонап Византия иеліктеріне қиындық туғыза бастады. Халық наразылығын басу үшін Византия императоры Алексей Комнин олардың Шығыс Азияға - Селжүк иеліктеріне қарай өткізіп жіберді. Әскери өнер бейім емес бұл бағыттың қатысушыларының жартысынан көбісі селжүктердің қолынан қаза тапты.
2. Герман жерінен іріктелген неміс рыцарларымен борандардың жасақтарынан құрылған әскериленген жасақ Иерусалимге жетпей жатып Германия еврейлеріне қиындық туғызды. Бұл бағыттың қатысушылары селжүк әскерімен соғысып жүріп Иерусалим қаласына жетті.
3. Француз королі мен рыцарлар, діндарлардың қолдауымен жиналған француз жасағы аз шығынмен Иерусалим қаласына қарай беттеді.
Бұлай үш бағытқа бөлінуінде - әлеуметтік экономикалық жағдайлар мен ұлттық ерекшеліктер жатыр. Әр бағыттың өкілдері әлеуметтік не ұлттық жағынан өзге топқа бағынышты болуға талпынбас үшін тәуелсіз әрекет етті.
Бірінші крест жорықтарына қатысушылар Таяу шығыс аймағына жеткен бойда қарсылық көрсеткен қала тұрғындарын аямады.
1096-1099 жж. созылған бірінші крест жорықтары Таяу Шығыс халықтарын үлкен ауыртпалықтар әкелді.
Қиратылған, бағындырылған қалалардың аумақтарында христандардың - Эдесса, Иерусалим, Антиохия мемлекеттері құрылды.
Таяу Шығыс - христандар мен мұсылмандар арасындағы кескілескен соғыс алаңына айналды
Сурет ғаламтордан алынды