ХІХ ғасырдың екінші жартысында Жапонияны 7 ғасырдай басқарып тұрған әскери әулеттік басқару сегунаттың құлауымен монархия қайта орнықты. Сегунатқа қарсы шыққан феодалдық топтар ханзада Муцихитоны императорлық таққа отырғызды.
Әлбетте, биліктің сегунаттан - императорға ауысуы азамат соғысы арқылы жүргізді. АҚШ қолдауына сүйенген Киото қаласының маңындағы император әулетіне жақын феодалдар топтар - монархиялық билікті қалпына келтірді.
Таққа 17 жастағы Муцихито отырды. Оның тақта отырғандағы ел басқару ұраны - ағартушылық басқару деп аталды. Яғни, Мейдзи.
1868-1912 жж. Жапон тарихында "Мейдзи исин" деп аталады. Қазақшаға аударғанда - ағартушылық мақсаттағы қайта құрулар немесе нұрлы басқару дегенге келеді.
Император Муцихито кезінде
- Сегунаттық басқару жойылды
- Самурайлар таратылды
- Федеративтік князьдық басқарулар жойылды
- Мануфактуралар таратылды
- Ішкі баж салығы жойылды
- Жапон азаматтарының елдің ішінде және сыртқа шығуына бағытталған шектеу алып тасталынды
Шетелдік үлгіге сай
- Конституция қабылданды
- Префектуралық әкімшілік басқару еңгізілді
- Тұрақты әскер құрылды
- Саяси партиялар пайда болды
- 21 жастағы ер азаматтарға сайлау құқығы берілді
- Университеттер, колледждер, мектептер ашылды
- Фабрикалар мен зауыттар салына бастады
- Жерді сатуға және сатып алуға рұқсат берілді
- Аграрлық реформалар жүргізілді
- Шетелдік министрліктер құрылды
- Полиция құрылды
Мейдзи қайта құрулары - мемлекеттік қалыпты нығайтуға бағытталғандықтан, әлеуметтік салада өзгерістер жасамады. Реформалар император төңірегіне топтасқан топтардың мүддесін ескере отырып, "жоғарыдан - төменге бағытталған реформа болды". Сондықтанда Мейдзи реформаларын "Конституциялық революция" немесе "аяқталмаған революция" деп атайды
Сурет ғаламтордан алынды