Жапониядағы Мэйдзи реформалары - императорлық билікті орнықтыра отырып, буржуазиялық капиталистік өзгерістерге жол ашты.
- Сегунаттық замандағы ел ішінде - еркін жүруге шектеу алып тасталынды.
- Цехтік тәртіптер жойылды.
- Сословиелік міндетемелер (си-но-ко-се) мен артықшылықтар, оқушаулану жойылды.
АҚШ және Ұлыбритания қаржылық капиталының енуі - жаңа жұмыс орындарының пайда болуына әкелді. "Жабық есік" саясатының күйреуімен - шетелмен еркін сауда байланыстарына жол ашылды. Бұл елдегі ұсақ кәсіпкерлер мен ірі сауда компаниялардың өз тауарын сыртқы жіберуге мүмкіншілік берді.
Шетелдік мемлекеттердің жасасқан тең емес шарттары негізіндегі қаржы құюы - Жапон экономикасына ауыртпашылық тудырды.
Халықтың көптігімен жердің аздығы - мемлекет экономикасына қысым туғызды.
Жапонияға экономикаға серпін беретін ақша керек болды. Қомақты ақшаны қарызға не өзге мемлекеттермен соғысып, өтемақы төлеттіріп алуға болар еді.
Жапонияға қысым түсіргісі келмеген император билігі соғысты таңдады. Жапондықтар АҚШ қолдауына сүйене отырып, өз әскерін модернизациялаған болатын. Өтемақы төлей алатын - әлсіз мемлекетпен соғысу керек болды. Жапония құрлықтық жағынан аралды мемлекет болған соң - ешбір мемлекетпен шектеспеді. Тек теңіз арқылы Ресей империясымен, Қытаймен, Кореямен шектесті. 1877-1878 жж. Осман империясын жеңген Ресей империясын жеңе алмайтындығын сезген жапондықтар ішкі алауыздықпен көтеріліс әлсіреген Қытай мемлекетін таңдады.
1894 жылы басталған соғыс 1895 жылы аяқталып, Қытай тарапы Жапонияға өтемақы төлеп берді.
Осы өтемақының негізінде - Жапония, банк саласын өркендетіп, өнеркәсіп орындарының ашылуына қаржы бөлді. Мицуи және Мицубиси компаниялары алдыға шықты. Ірі акционерлік компаниялардың ашылуына жол ашылды. Жапония Қиыр Шығыста өзін орнықтыра бастады
Сурет ғаламтордан алынды