О ТОМ, КАК СЫНОВЬЯ НОЯ РАЗДЕЛИЛИ ЗЕМЛЮ: СИМ, ХАМ, АФЕТ. Был род и язык один.
ПОТОМ КОГДА ПОМЫСЛИЛИ СОЗДАТЬ СТОЛП ДО НЕБЕС В ВАВИЛОНЕ - ГОСПОДЬ РАЗДЕЛИЛ НА 72 ЯЗЫКА.
СЫНОВЬЯ СИМА - ВОСТОЧНЫЕ СТРАНЫ;
СЫНОВЬЯ ХАМА - ПОЛУДЕННЫЕ СТРАНЫ;
СЫНОВЬЯ АФЕТА - ЗАПАД И ПОЛУНОЩНЫЕ СТРАНЫ.
СЛОВЕНЕ - ОТ ПЛЕМЕНИ АФЕТА.
Читайте ОРИГИНАЛ без искажений и дополнений на ФОТО на древнерусском.
Комментарий-транслитерация (для ленивых во вред):
Се повести времяньных лет, откуду есть пошла Руская земля, кто въ Киеве нача первее княжити, и откуду Руская земля стала есть. Се начнемъ повесть сию.
По потопе первие сынове Ноеви разделиша землю: Симъ, Хамъ, Афетъ.
И яся въстокъ Симови, Персида, Ватрь, то же и до Индикия в долготу и в ширину, якоже рещи от въстока и до полуденья, и Сурия, Индия, по Ефратъ реку, Вавилонъ, Кордуна, Асуряне, Мисопотамира, Аравия Старейшая, Елмаисъ, Инди, Равия на вся. Хамови же яся полуденьная страна: Еюпетъ, Ефивопья, прилежащия ко Индомъ, другая же Ефивопья, из нея же исходить река ефиопьская Чермна текущи на въстокъ, Авифаникии прилежащи до Куриниа, Маръмарья, Асуритисиу, и другая, Нумидья, Масурия, Мавританья, протиущи Гадире, сущимъ же ко встокомъ имать Киликию, Памъфилию, Писидию, Мосию, Луконию, Фругию, Камалию, Ликию, Карию, Лудью, Масию другую, Троаду, Салиду, Вифунию, Старую Фругию, и островъ неки имать, Саръдани Критъ, Купръ, и реку Геону, зовемую Нилъ. Афету же яша полунощныя страны и западныя: Мидия, Алъванья, Аръвинья Малая и Великая, Каподокия, Фефлагони, Галатъ, Влехисъ, Воспорий, меоти, дереви, гаръмати, тавриани, Сируфья, фраци, Макидонья, Алматия, Луеи, Фесалья, Локрия, Пеления, яже и Полопонисъ наречеся, Аркадъ, Япиронья, Илюрикъ, словене, Лухитая, Анъдриокия, Оньдреятиньска пучина. Имать же и островы: Вротанию, Сикилию, Явию, Родока, Хиона, Лезовона, Кофирана, Вакунофа, Кефалинья, Ифакину, Керькуру, часть всячьския страны, нарицаемую Онию, реку Тигру, текущи межю Миды и Вавилономь; до Понетьского моря, на полънощныя страны, Дунай, Дьнестръ и Кавкайсинския горы, рекше Угорьски, и оттуде доже и до Днепра, и прочая реки: Десна, Припеть, Двина, Волховъ, Волъга, иже идеть на встокъ, въ часть Симову. В Афетове же части седять русь, чюдь и вси языци: меря, мурома, весь, моръдва, заволочьская чюдь, пермь, печераямь, угра, литва, зимегола, корсь, сетьгола,любь. Ляхове же и пруси, чюдь преседять к морю Вяряжьскому. По сему же морю седять варязи семо ко въстоку до предела Симова, по тому же морю седять къ западу до земле Агнянски и до Волошьски. Афетово бо и то колено: варязи, свеи, урмане, русь, агняне, галичане, волъхва, римляне, немци, корлязи, веньдици, фрягове и прочии, доже приседять от запада къ полуночью и съседяться съ племянемъ Хамовым.
Симъ же, и Хамъ и Афетъ, разделивше землю, жребьи метавше, не преступати никомуже въ жребий братень, живяхо кождо въ своей части. Бысть языкъ единъ. И умножившемъся человекомъ на земли, помыслиша создати столпъ до небесе въ дни Нектана и Фалека. И собрашася на месте Сенаръ поли здати столпъ до небесе и градъ около его Вавилонъ, и созда столпъ то за 40 лет, не свершенъ бысть. И сниде Господь Богъ видети градъ и столпъ, и рече Господь: «Се родъ единъ и языкъ единъ». И съмеси Богъ языкы, и раздели на 70 и 2 языка, и расъсея по всей земли. По размешеньи же языкъ Богъ ветромъ великимъ разраши столпъ, и есть останокъ его промежю Асюра и Вавилона, и есть въ высоту и в лета многа хранимъ останокъ. По размешеньи же столпа и по разделеньи языкъ прияша сынове Симови въсточныя страны, а Хамови сынове полуденьныя страны. Афетови же прияша западъ и полунощныя страны. От сихъ же 70 и 2 языку бысть языкъ словенескъ, от племени Афетова, нарци, еже суть словене. Во мнозехъ же времянехъ сели суть словени по Дунаеви, где есть ныне Угорьска земля и Болгарьска. От техъ словенъ разидошася по земле и прозвашася имены своими, где седше на которомъ месте.
P.S. Читайте оригиналы рукописей на ФОТО на древнерусском! Мы в своих «комментариях» (помогая новичкам прочитать) можем и навредить - мы можем ошибаться, не принимайте наш текст за Правду Божию!
Источник: Ф. 550 - Основное собрание рукописной книги, инв. 219 Лаврентьевская летопись 1377 г. ОБ. 1 + Радзивилловская летопись.
С уважением ко всем ищущим Правду,
Читатель-редактор.
Слава Господу Исусу Христу!
