“Башҡортостан балы менән дә дан тота”, – ти Руслан Ханмогамедов

Өфөлә барған “Беҙ бергә. Спорт” йәйге Сурдлимпия уйындарына донъяның төрлө илдәренән һәм Рәсәйҙең төрлө төбәктәренән спортсылар, көйәрмәндәр һәм башҡалалар килгән. Улар араһында судьялар ҙа бар. Руслан Ханмогомедов - гандбол буйынса Бөтә Рәсәй категориялы судья: - Краснодарҙан килдек. Рәсәй, Үзбәкстан, Кения, Әрмәнстан командалары ярыша, - ти ул. - Гандбол – бик үҙенсәлекле уйын, үҙенең стандарттары бар. Тағы судья үҙенең Башҡортостанда беренсе тапҡыр ғына булмауы, баш ҡалабыҙҙа үткәрелгән Рәсәй чемпионатында судья булып ҡатнашыуы хаҡында әйтте. - Өфө - йәштәр ҡалаһы. Ваҡыт булғанда, урындағы милли аш-һыуҙы тәмләп ҡарарға уйлайым. Ә бына Башҡортостан балы менән дан тота. Уны мин күптән беләм. Руслан Ханмогомедов гандболды бала саҡтан үҙ иткән, быға йорттарының эргәһендә генә спорт мәктәбенең урынлашыуы ла булышлыҡ иткән. Автор фотоһы.