Тыланда але вер уке... #КОК ТӰНЯ

Фото Эрика Полатова

Тидлан шуко жап эртен. Ик кугу начальник дене Медведево район Крутой овраг ялышке миенна. Трассышке лекмек, ола велышке курык почеш волмаште машина деч ончыч колесаже пӧрдын кайыш. Вара машина шолашке пурлашке кышкаш тӱҥале. Мый шонем обгонышке гына пураш огыл. А машинам кугу коремышке шӱдырен пурта да кумыкта. Эркын, эркын шогальым. Лӱдмӧ шотемат ыш лий. Кугу начальник колеса почеш кайыш. Пурла могырышто кугу гына шӱгар уло. Тудо коштмо жапыште мый шапаш (запасной) колесам шындышым.
Начальник тольо да ойла: «Шӱгар капка дене ош вургеман ош пондашан шоҥго еҥ шога. Мыланем лӱм денак ойлыш: «Тыланда але вер уке». Мый мӧҥгеш тарванышым. Шеҥгеке савырнышым ончальым, шоҥго еҥет нигуштат уке.» Тиде ангел хранителет улмаш.