Buni qarangki, “oʻychi oʻyini oʻylaguncha, tavakkalchi ishini bitiribdi”, deganlaridek, raqibi rejalashtirib turgan bir paytda, Xiaomi allaqachon innovatsion yangiligini namoyish qildi.
(Yanada qiziqarli va foydali maqolalarni oʻtkazib yubormaslik uchun Telegram kanalimizga obuna boʻlib qoʻying.@giglinkuz)
Oldinroq Apple mazkur yilda ilk bor VR ochkilar ishlab chiqishni rejalashtirayotgani haqida maʼlum qilgandik. Ayni paytda Xiaomi yangi VR ko‘zoynagi funksiyalari ham namoyish qilingan.
Xiaomi Wireless AR Glass Discovery Edition aralash reallikka ega ochkilari kelgusida Kupertino koʻzoynaklarining raqobatchisi boʻladi, deb taxmin qilinmoqda.
Kompaniya aksessuarning imkoniyatlari tasvirlangan videoni taqdim qildi. Koʻzoynakni smartfon oddiy teginish (NFC texnologiyasi) orqali ishga tushirish mumkin. Shundan soʻng foydalanuvchi koʻz oldida turli ilovalardan iborat virtual ish stoli paydo boʻladi.
Bu yerda bitta VR ochki qilishi mumkin boʻlgan barcha funksiyalar uchun ilovalar mavjud.
Xususan,
- Ijtimoiy tarmoqlarga kirib lentani tomosha qilib chiqish;
- Virtual ekranda filmlarni tomosha qilish;
- Brauzerda ishlash;
- Oyna formatidagi ilovalar bilan ishlash;
- Smart uyni boshqarish — qurilma orqali, masalan, aqlli chiroqqa qaraganingizda uning boshqaruv paneli paydo boʻladi;
- “Tezkor” maʼlumotni koʻrsatish (ob-havo, vaqt, navigator);
- Tasvirga olish — buning uchun maxsus oʻrnatilgan kameralar mavjud;
- Linza shaffofligini oʻzgartirish (shaffof linzadan tortib quyoshdan himoyalaydiganigacha);
- Virtual va real dunyo oʻrtasida almashinish.
Xiaomi Wireless AR Glass Discovery Editionʼni taqdim qilar ekan, Xiaomi bosh direktori Ley Szyun, uni simsiz imo-ishoralar orqali boshqariladigan qurilma sifatida simsiz boshqariluvchi toʻldirilgan reallikning yangi davrini boshlab beruvchi texnologiya, deb atadi.
Xiaomi Wireless AR Glass Discovery Edition funksiyalari
Koʻzoynaklar uglerod tolasi va magniyli litiy qotishmasidan tayyorlangan. Koʻzoynak uchta kameraga ega: ikkita yon tomonda va bitta oʻrtada joylashgan. Qurilmaning qoʻllarida boshqarish uchun sensorli panellar mavjud. VR ochki esa, kompaniya direktori aytganidek, qoʻl imo-ishoralari orqali amalga oshiriladi.
Kamchiligi
Oynalari ostida proyeksiya mexanizmiga ega mitti OLED ekranlari joylashgan. Ishlab chiqaruvchining maʼlumotlariga koʻra, displeylarning yorqinligi 1200 nitsni tashkil qiladi. Bunday yorqinlik insonning koʻrish qobiliyatiga taʼsir qiladimi yoki yoʻqmi hozircha aniq emas. Eʼlon qilingan fotosuratlar va videolardan koʻrinib turibdiki, koʻzoynaklar unchalik ixcham emas va katta hajmga ega. Ehtimol, bu keyinchalik texnologiya sotuviga salbiy taʼsir qilishi mumkin. VR ochkining ikkinchi kamchilik shundaki, koʻzoynakni yigʻib boʻlmaydi.
Narxi
Xiaomi hozircha Wireless AR Glass Discovery Edition narxi va boshqa texnik xususiyatlarini sir saqlamoqda. Shuningdek, baʼzi taxminlarga koʻra, u 2023-yilning yozida chiqishi kutilayotgan Apple ochkilaridan oldin sotuvga chiqarilishi mumkin.
Ko‘rib turganingizdek, Xiaomi mazkur yilda ayniqsa dunyo texnologik kompaniyalari orasid ilg‘orlikka astoydil intilmoqda. Avval mashinalar, so‘ngra yangicha elektrovelosipedlar, ultra skuterlar, endi esa virtual reallik uchun ochkilar… Demak, kuzatishda davom etamiz.
Yanada qiziqarli va foydali maqolalarni oʻtkazib yubormaslik uchun Telegram kanalimizga obuna boʻlib qoʻying.
