Канатларымны кистең
Яратып, коча торган.
Кайтар канатларымны
Хыялда оча торган.
Онытырга мәҗбүрләп,
Болытлар кудың күккә.
Ярый әле болытлар
Тоткарланмады күпкә.
Җил-давыллары көчле
Синең яклардан килде.
Җаннарымны өшетеп
Салкыны үтеп керде.
Канатларымны кистең
Яратып, коча торган.
Кайтар канатларымны
Хыялда оча торган!
©Раушания Г/А
Язылдыгызмы?
Лайк куегыз.
Каналга язылыгыз, яңа шигырьләремне укып барыр өчен.
Шулай ук бик шат булырмын, әгәр дә сез ошаган шигырьләрем белән социаль челтәрдә бүлешсәгез (ВК, Одноклассники һәм башкаларда...) - бу минем каналның үсешенә булышачак.
P.S. : Истә тотыгыз, авторыннан башка күчереп алу закон белән тыела.