Бәхет өчен нәрсә кирәк?
Күп түгелен беләбез;
Үз йортыңда булса урның,
Тыныч булсак үзебез.
Тәмле булса ашлар анда,
Тату булсак һәммәбез.
Һаман матур яши алсак,
Белешкәләп хәлләр без.
Пар чынаяк күтәреп
Эчә алсак чәй парлап.
Ике кеше кара-каршы
Бер-беребезне аңлап.
Бер-береңә башны куеп,
Диванга утырып җайлы...
Телевизор карый, карый
Карашлар чәчеп назлы.
Утырсаң тынлык эчендә,
Бер-береңә бик якын...
Шушы бәхетне куркытмый,
Җилләр кертмичә салкын.
Язылдыгызмы?
Лайк куегыз.
Каналга язылыгыз, яңа шигырьләремне укып барыр өчен.
Шулай ук бик шат булырмын, әгәр дә сез ошаган шигырьләрем белән социаль челтәрдә бүлешсәгез (ВК, Одноклассники һәм башкаларда...) - бу минем каналның үсешенә булышачак.
P.S. : Истә тотыгыз, авторыннан башка күчереп алу закон белән тыела.
Ихтибар белән, Раушания. Сәламәт булыйк!