Син җитмисең миңа бу дөньяда,
Җылың җитми, җаным ярыла.
Шәһәр өсләрендә кич авыша,
Күңелемә салкын сарыла.
Син җитмисең миңа шундый итеп, Сагышым зур, белмим нишләргә...
Офыкларда гүя сине күрәм,
Багам гүя синең йөзләргә.
Син җитмисең миңа көндәй, төндәй,
Сулар һавам сыман кирәкле...
Һәр тыныңны, сулышыңны тоям,
Сөя белгән кайнар йөрәкне.
Син җитмисең миңа янган уттай, Ялгыз җанга авыр дәшәргә...
Син җитмисең һаман, киләчәктә,
Тик кала шул синсез яшәргә.
Язылдыгызмы?
Лайк куегыз.
Каналга язылыгыз, яңа шигырьләремне укып барыр өчен.
Шулай ук бик шат булырмын, әгәр дә сез ошаган шигырьләрем белән социаль челтәрдә бүлешсәгез (ВК, Одноклассники һәм башкаларда...) - бу минем каналның үсешенә булышачак.
P.S. : Истә тотыгыз, авторыннан башка күчереп алу закон белән тыела.