СЕМИ ОТРОКАМ, ИЖЕ ВО ЕФЕСЕ : МАКСИМИЛИАНУ, ИАМВЛИХУ, МАРТИНИАНУ, ДИОНИСИЮ, ЕСКАКУСТОДИАНУ ( КОНСТАНТИНУ ), АНТОНИНУ.
МОЛИТВА :
О пречуднии святии седмочисленнии отроцы Ефеса града похвало и всея вселенныя упование! Воззрите с высоты небесныя славы на нас, любовию пемять вашу чтущих, наипаче же младенцы христианския, вашему заступлению от родителей своих препорученныя.
Низведите на ня благословение Христа Бога, рекшаго: оставите детей приходити ко мне. Болящыя убо в них исцелите, скорбящыя утешите; сердца их в чистоте соблюдите, кротостию исполнится, и в земли сердец их зерно исповедания Божия насадите и укрепите, во еже от силы в силу им возрастати.
И всех нас, святей иконе вашей предстоящих,мощи же ваша с верою лобызающих и тепле вам молящихся, сподобите Царствие Небесное улучити и немолчным гласы радования тамо прославляти великолепное имя пресвятыя Троицы, Отца и Сына и Святаго Духа во веки веков. Аминь.
ТРОПАРЬ И КОНДАК СЕМИ ОТРОКАМ :
ТРОПАРЬ, глас 4
Велия веры чудесе, в пещере яко в чертозе царском святии седмь отроцы пребыша, и умроша без тли,и по мнозех временных восташа яко от сна, во уверение воскресения всех человеков: тех молмтвами, Христе Боже, помилуй нас. Аминь.
КОНДАК, глас 4
Мира сущая тленнаяпрезревая и нетленныя дары приемше, умерши кроме тления пребыша: темже востают по многих летех, все погребше лютех неверие: яже во хвалении днесь вернии восхваляюще, Христа воспоим.
( Ангелу -Хранителю младенца ).
Можно так:
Святый Ангеле, хранителю чада моего ( имя ), покрый его покровом твоим святым от стрел демона, от козней обольстителя, и сохраняй сердце его во ангельстей чистоте. Аминь.
