Къарачай элле
Къачан эсе да, алан миллет къраллыкъ джюрютгенликге, кеси-кеси бла кюрешген, бирикмеген Аланланы, Темирлан Тохтамишни аскерин хорлаб, 1395-чи джыл, къуш тюгюнлей чачады. Къачыб къутулгъанла талай джылдан джуртларына джыйыла башлайдыла. Беш джюз элли джылны мындан алгъа, Къарча миллетни бирикдириб, Хурзук, Къартджурт, Учкулан элле къураладыла. 1828-чи джыл Хасаука урушдан сора Къарачай Эресей империяны санына къошулады. Аны бла биргелей, тюрлениуле да башланадыла. Ташчыда къоргъашын табылгъаны себебли, Къобан ёзен бла арба джол ишленеди. 1861-чи джыл Эресейде крепостной правону къоратадыла. Таулагъа ол закон 1868-чи джылгъа келеди. Тарлыкъда джашагъан джарлы халкъ джангы элле къураб башлайды. Алай бла 1886-чы джылгъа Мара элле, ала бла бир заманда Огъары Теберди да тюшеди. Сынты эл 1870-чи джыл къуралады. Ташкёпюр эл да 1870-чи джыл тюшюб башлайды. Эски Джёгетей 1879-чу джыл тюшюб башлагъанлыкъгъа, правлен эркинлик 1881-чи джыл бергенди. Былайча айтсакъ, ол заманда алты джангы къарачай эл къуралгъанды.
Тебуланы Шукур
10. 10. 2020
