Яшь буында туган телгә мәхәббәт, кызыксыну тәрбияләүнең бик тә үтемле юлын эшкә җиктек. Татарстанда Туган телләр һәм халыклар бердәмлеге елында эзләнмичә һәм җиң сызганып эшләмичә һич тә ярамый шул. Аннан килеп, быел бит әле сөекле якташ шагыйребез Габдулла Тукайның 135 еллык юбилей елы да...

Күптән түгел, дөресрәге, 2 май көнне Галиәсгәр Камал исемендәге татар дәүләт академия театрында бик күпләр зарыгып көткән "Казанга Тукай кайткан" спектакленең премьерасы булып узды. Спектакльнең режиссеры - Айдар Җаббаров, әсәрнең авторы - Резеда Гобәева. Тукай турында сүз киткәч, аның биографиясен дә искә алыйкчы. 1886 елның 26 апрелендә Кошлауч авылында туган. Әтисе-Мөхәммәтгариф Мөхәммәтгалимов (1843-1886), Казан губернасы Казан өязе Кошлауч авылында туган, 1864 елдан туган авылында «указлы» мулла була...