Лезги чIал (Лезгинский язык)

18-февралдин сятдин 10-даз Каспийск шегьердин РЦО-да (Республикадин образованидин центр) Махачкъала ва Каспийск шегьеррин мектебрин 6-классра кIелзавай аялрин арада лезги чIалай олимпиада кьиле фида. Идакай "Лезги газетдин" телеграм-каналда хабар ганва. ЦIи ругуд лагьай сеферда тухузвай и мярекатдин тешкилатчи "Лезги газетдин" редакция я. Алатай йисара хьиз, цIини тафаватлу хьайибуруз (1, 2, 3-чкаяр кьурбуруз) пулдин пишкешар, дипломар ва ктабар гуда...

Абур кьведни стIалвияр я. Кьве шаирдизни "Дагъустан Республикадин халкьдин шаир" лагьай тIвар и мукьвара ганва. "ЛЕЗГИ ЧIАЛ" телеграм-каналдин администраторри къелемдин устадриз лайихлу тIвар мубаракзава...

РД-дин Кьилин патав кардик квай илимдин, техникадин, эдебиятдин, публицистикадин, искусстводин ва архитектурадин хилерай государстводин премияр гунин комиссияди 2023-йисуз Дагъустандин халкьдин шаир Расул Гьамзатован тIварунихъ галай премия къачуз кIанзавай­бурун сиягь веревирд авун патал раижнава. Къейд ийин хьи, эдебиятдин хиляй премия къачун патал теклифнавай ктабрин арада Мансур Куьревидин (Низами Абдулгьамидован) “Етим Эмин (1840-1880)” ктабни ава...

"Лезги газетдин" редакцияди "Хайи чIал хуьн" проектдин сергьятра аваз акъуднавай ктабрикай. Агъадихъ галай ссылкадай килиг: https://www.youtube.com/shorts/ye8SSeOIs64

Гафарин алемдай Къейднавай гафар кьериз-цIаруз гьалтзавайбур я. БатIрияр гаф заз Дагъустандин халкьдин шаир М.Ба­ба­ханован “Дустарикай кьве шиир” эсерда акуна: “Къе чна илигда кфилдал, Къе чна кукIварда батI­рияр”. БатI­­­рияр “тапочки” гафунин лезги таржума я. Бязибу­ру­­ куьгьне хьанвай кIвачин къапаризни батI­рияр лугьуда.­ Къенин несилриз ван текъвезвай гафарикай сад бе­зирган я...

Машгьур шаир Сажидин Саидгьасановаз «Дагъустан Республикадин халкьдин шаир» лагьай тIвар ганва. Ихьтин къарардал РД-дин Кьил Сергей Меликова къул чIугуна. ЦIинин йис Сажидин Саиджамаловичан 90 йисан юбилейдинди я. Чна сейли агъсакъалдиз лайихлу тIвар рикIин сидкьидай мубаракзава...

Шаир Абдул Муталибова лезги шииратдик еке пай кутуна. Адан шиирар, манияр, поэмаяр, гьикаяяр «Экуьн ярар», «Бахтавар я чун», «Гьим хъсан я?», «РикIин гафар», «Гатфар», «Гелер» ва маса кIватIалра гьатнава. Шаирдин эсерар мектебрани институтра чирзава, критикри адан яратмишунриз хъсан къимет ганва. Къейд ийин, А...

Сифте яз 1992-йисан январдиз акъатай “Самур” хъуьтIуьз ахъа хьанвай цуьк­ведиз ухшар тир. Азербайжанди цIийиз гъилик авунвай аслу туширвилин бинедаллаз ахъа хьанвай демократиядин цуькведиз. Ингье а чIавуз аслу туширвилиз манийвал гузвай чIулав къуватриз “Самур” хьтин цуькверни ахъа хьана кIанзавачир. ГьакI ятIани, республикадин де­мократиядин къуватрихъ галаз санал цIийиз майдандиз экъечIзавай, гафунин ва фагьум-фикирдин азадвал хвена, халкьдив гьакъикъат агакьариз кIанзавай печатдин органарни девирдин басрухрални аязрал уфтан хьана...

И йикъара эдебиятдин “Российский писатель” сайтда (ам Урусатдин писателрин Союздин медиа-ресурс я) 2022-йисуз уьл­кведин дережада аваз писателрин арада кьиле тухвай конкурсдин нетижаяр кьуна. Изданиди хабар гузвайвал, конкурсдиз са агъзурдалай гзаф кIва­ла­хар рекье тунвай. Шад жедай кар ам я хьи, “Позиция” номинацияда Дагъус­тандин халкьдин шаир Арбен Къардаш гъалиб хьана. Адан “Ответ запоздавшему фантазёру” тIвар алай макъала виридалайни хъсанди яз гьисабна. Къейд ийин хьи, и макъалада шаирди вири...

Кьве йис идалай вилик Федерациядин Советдин илимдин, образованидин ва культурадин рекьяй  Комитетди хайи чIаларай  Вирироссиядин олимпиада  кьиле тухунин теклиф ганай. Кефердинни Рагъ­экъечIдай патан федеральный  уни­­верситетди  и теклифдин тереф хвена ва Россиядин халкьарин  дидед чIаларай ва литературайрай школьникрин арада федеральный сад лагьай олимпиададин тешкилатчи яз майдандиз экъечIна. Алай йисуз мектебра кIелзавай аялрин арада хайи чIалай федеральный олимпиада кьвед лагьай сеферда кьиле тухузва...

Мамрач  Къазанфарбег  (1843-1888)     –  180 йис Нуредин  Шерифов  (1883-1952)            –  140 йис Хуьруьг  Тагьир  (1893-1958)                   –  130 йис Хъартасви  Амираслан  (1893-1965)     –  130 йис Зияудин  Эфендиев  (1903-1980)             –  120 йис Мемей  Эфендиев  (1903-1944)                –  120 йис Мустафа  Эфендиев  (1903-1974)           –  120 йис Шагь-Эмир  Мурадов  (1913-1996)          –  110 йис Имам  Асланов  (1923-2006)                     –  100 йис Ражидин  Гьайдаров...

Гьикаятчи Мегьамед Ведих (Ведихов Мегьамед Вурдуханович) 1956-йисуз Хив райондин КьванцIил хуьре дидедиз хьана. Ада хайи хуьруьн юкьван мектеб ва Москвада М.Горькийдин тIварунихъ галай Литературадин институт куьтягьна. "Коммунист" газетдин редакцияда кIвалахна. Мегьамед Ведихова лезги эдебиятдин гьикаят вилик тухуник вичин пай кутуна...