Тыва дыл хүнү-биле силерге ынак орус чогаалчыларымның бирээзи М. Булгаковтуң чечен чугаазының тыва дылче очулгазын таныштырыксап тур мен
Бир эвес кижи оозалааш суурларның оруктары-биле тергелиг аътка чоруп чорбаан болза, аңаа ол оруктар дугайында чугаалаан-даа ажыы чок, дѳмей-ле бүзүревес. А ол оруктарга чоруп турган кижиге ону сагындырар-даа хѳңнүм чогул. Кысказы-биле чугаалаайн: уезд тѳвү Грачевкадан Мурьино суурнуң эмчизинге чедир дѳртен верстаны[1] тергелиг аъттыг мугур бир хонук чоруп келген бис. Элдептиин кайгаар силер, таптыг-ла бир хонук болган бис: 1917 чылдың тос айның 16да хүндүскүнүң ийи шакта ол кайгамчык Грачевка хоорайның кызыгаарында турар эң сѳѳлгү аңмаар чанындан эрткен бис, а ол-ла уттундурбас чылдың...