Канал Chess VKO

6 қазан мен 8 қазан аралығында ФИДЕ тренерлік комиссиясы басшылығымен Азиялық шахмат федерациясы ұйымдастырған ФИДЕ тренерлеріне арналған онлайн семинарға қатыстым. Семнардан алған әсеріммен бөліскім келеді. Шахматпен ойнауды терең үйрену үшін кезінде Марк Дворецкийдің бірнеше шахмат туралы кітаптарын сатып алып, сатылмаған кітаптарын арнайы сұраныспен алып, дайындалып, жарыстарға қатысып, шахматтан спорт шеберлігіне дейін жеттім. Осы семинарда Марк Дворецкийдің шәкірті Артур Юсуповтан дәріс алдым...

«Шахмат керуені» жобасы аясында жас шахматшылармен бір уақытта шахмат ойынының сеансы өткізілді. Дәрісті өткізу үшін Астана қаласынан халықаралық дәрежедегі гроссмейстер, Қазақстан республикасы балалар мен жасөспірімдер құрама командасының бас жаттықтырушысы Ибраев Нурлан Болатұлы өткізді. Дәрісті тыңдауға ШҚО балалар мен жасөспірімдер құрама командасының жас шахматшылары қатысты. Гроссмейстермен ойнау балаларға өте қызықты әрі мазмұнды болды. Жас шахматшылар атынан Нұрлан Болатұлына алғысымыз шексіз...

«Шахмат керуенін» жоба идеясы сауда миссиясымен қатар әлем халықтарының мәдени және спорттық дәстүрлерін тарататын Ұлы Жібек жолының тарихи керуендерінің идеологиясы негізінде туындады. Соның арқасында шахмат ойыны 11 ғасырдың аяғында Үндістаннан Еуропа мен Азияға тарады. Шахмат жарыстары Шығыс және Оңтүстік-Шығыс Азияда танымал болды және ойынның көптеген нұсқалары мен стратегияларына ие болды. Қазақстанның қалаларында «Шахмат керуенін» өткізу аймақтарда да шахматтың танымал болуына ықпал етіп, Қазақстан шахмат федерациясының танымалдылығын арттыруға мүмкіндік береді...