Деловой завтрак

Дуслык Кубогы Футбол уеннан күбрәк-тормыш, диләр. Акыллы әйтелгән. Ләкин Бөек Франц Беккенбауэр мондый фикерне кире кага, ул: «Футбол тормыштан да күбрәк»дип билгели. 2 нче татар гимназиясе Ш.Мәрҗани исемендәге спорт уку йорты түгел, әмма монда бөтендөнья танылган уенның әһәмиятен аңлыйлар. Күптән түгел биредә, гимназиянең актлар залында, «Дуслык Кубогы " футбол турниры презентациясе узды. Казан-2024!,ул 29 июньдә Мотор стадионында (Казан, Ленинград, 26) узачак. 9:00 сәгатьтә башлана. Гимназия директоры Рамил Гайнуллин һәм аның урынбасары Илназ Зарипов җитәкчелегендә гимназистлар данга әзерләнделәр һәм зур концерт бирделәр. Балалар һәм укытучылар җыелганнарга татар җырларын һәм биюләрен тәкъдим иттеләр, сәхнәдән Габдулла Тукай, Муса Җәлил, Хәсән Туфан, Разил Вәлиев шигырьләре яңгырады… Яшь спортчыларның – ил һәм республика чемпионнарының, халыкара ярышларда җиңүчеләрнең чыгышы кызыклы булды. Махсус спорт биналарында төрле ярышлар элементлары күрсәтелде – көрәш, каратэ, гимнастика, җәядән ату, футбол уеннары мизгелләре… Бәйрәмдә шулай ук «алтын», «көмеш» Дуслык кубогы һәм башка призлар тәкъдим ителде. Боларның барысын да катнашучы командалар вәкилләре, Казан шәһәр Думасы депутатлары Евгений зиберт һәм Ренат Ходжаев, шулай ук күпсанлы кунаклар һәм журналистлар үз күзләре белән күрделәр. Исегезгә төшерәбез, Казан Дуслык Кубогы өчен матчлар 2022 елның җәендә башланды. Кубокның беренче иясе ТР Дәүләт Советы депутаты Фадбир Сафин җитәкчелегендәге КПРФ командасы була, ул финалда Төркмәнстанның Генераль консуллыгы командасын җиңә. Игътибар итегез, безнең турнир елдан-ел популярлаша барды. Анда даими җанатарлардан тыш ТР Дәүләт Советы депутатлары Артур Абдулҗанов, Раил Шәмсетдинов, Эдуард Шәрәфиев, Руслан Нигъмәтуллин, иҗтимагый-сәяси һәм иҗат эшлеклеләре Виктор Борисов, Юлия Галямина (Мәскәү, иногент), Әхәт Мушинский һ. б. катнашты. Спорт-мәдәни бәйрәм уңышлы узды, турнирның презентациясе узды, хәзер аның башлануын көтәбез. Фаиль БИЛАЛОВ.

1 год назад