"Аманат" журналы

III «Китап байрамы» халыҡ-ара китап йәрминкәһендә Башҡортостандың Балалар йыйылма хоры ҙур концерт бирәсәк. «Мәңгелек юлдар» тигән программа, Бөйөк Еңеүҙең 80 йыллығына арналып, 1 июнь Халыҡ-ара балаларҙы яҡлау көнөндә форумдың төп сәхнәһендә (Совет майҙаны) күрһәтеләсәк. Балалар йыйылма хоры составына Өфө, Стәрлетамаҡ, Октябрьский ҡалалары, Баҡалы, Бөрө, Иглин, Илеш, Белорет райондары балалар музыка мәктәптәренән һәм сәнғәт мәктәптәренән 20 хор коллективы ингән. Йыйылма хор 600-ләп кешенән тора...

12-13 май Өфөлә башҡорт теле һәм әҙәбиәте уҡытыусыларының II Бөтә Рәсәй съезы үтәсәк. Өфө ҡалаһында төрлө уҡыу йорттарында, мәғариф һәм мәҙәниәт учреждениеларында дискуссия майҙандары эшләйәсәк, һуңынан Башҡортостан Башлығы Радий Хәбиров ҡатнашлығында пленар ултырыш буласаҡ. Был сарала башҡорт телен уҡытыу мәсьәләләре буйынса фекер алышыу, тәжрибә уртаҡлашыуҙар ойошторола, бөгөнгө көндә актуаль булған һорауҙарға тулы яуаптар алыу мөмкинлеге буласаҡ. Мин Айытбаева Алина Рәмил ҡыҙы булам, Өфө ҡалаһының 130-сы мәктәбенең башҡорт теле һәм әҙәбиәте уҡытыусыһымын, съезға делегат булараҡ саҡырылдым...

30 апрель – Янғын һүндереүселәр көнө Урамда, мәктәптә, башҡа урындарҙа беҙ «01», «101», «112» номеры яҙылған алтаҡталарҙы күрәбеҙ, сиренаһын ҡабыҙып, ҡала йә ауыл урамдары буйлап елдергән сағыу ҡыҙыл машиналарҙы осратабыҙ. Күнегеп бөткәнбеҙ, хатта янғын һүндереүселәрҙең ни тиклем хәүефле эш башҡарғаны, ниндәй яуаплылыҡ йөкмәгәне тураһында иҫкә лә алмайбыҙ. Янғын һүндереүсе – профессия ғына түгел, ә күңелең фарманын тыңлап, ҡыйыулыҡ, сыҙамлыҡ, ғүмереңде хәүеф аҫтына ҡуйыуға әҙерлек талап иткән хеҙмәткә баш көллө сумыу ул...

Минең өләсәйемдең исеме Айһылыу. Ул Бөрйән районы Килдеғол ауылында йәшәй. Өләсәйем – беҙҙең ғаиләлә иң ҡәҙерле кеше. Өләсәйемдәргә барһаҡ, уның менән бергә тышта йөрөйбөҙ. Бергәләп тәмлекәстәр бешерәбеҙ, өләсәйем һеңлем менән икебеҙгә ҡамыр аштары бешереү серҙәрен өйрәтә. Бигерәк тә өләсәйем бешергән бәлеште, ҡоймаҡты, йыуаса һәм бауырһаҡты яратып ашайбыҙ. Өләсәйем һаулыҡ өсөн файҙалы булған хәләл ашамлыҡ ҡулланыуҙы өҫтөн күрә. Ҡул тирмәне менән ҡыҙҙырылған бойҙайҙы тартып, талҡан эшләй. Бойҙай орлоҡтарын таҙартып, йыуып, табала ҡыҙҙырып алған ваҡытта өләсәйемә ярҙам итергә тырышам...

Балалар китабы аҙналығы – китап уҡыған балалар, шулай уҡ нәшриәтселәр һәм китапханасылар өсөн оло байрам. Ул балалар һәм үҫмерҙәр араһында китапты популярлаштырыу маҡсаты менән үткәрелә. Сараның тарихы бай. Ул быйыл 82-се тапҡыр уҙғарылды. Балалар китабы аҙналығы яҙыусы Лев Кассиль тәҡдиме менән 1943 йылда — Бөйөк Ватан һуғышы ҡыҙған мәлдә булдырыла. Яҙыусы Мәскәүҙә беренсе аҙналыҡты аса ла. Шунан бирле йыл һайын март аҙағында үткәрелә. Быйылғы аҙналыҡ 1941–1945 Бөйөк Ватан һуғышында Еңеүҙең 80 йыллығынаһәм Ватанды һаҡлаусылар йылына арналған...

Өфөнөң 107-се лицейы уҡыусыһы Алина Зарипова ат ярата. Шуға “Садконың ат һарайы”на йөрөүенә һис тә аптырарлыҡ түгел. Өфөнөң Зорге урамында эшләгән Башҡортостандың ат спортын үҫтереү буйынса төбәк ойошмаһы шулай тип атала. Ат һарайына балаларҙы экскурсияға алып киләләр. Унда ҡарт аттар ҙа аҫрала, пониҙар бар. Ирекмәндәргә эш етерлек. Малҡайҙарҙы тәрбиәләү, ашатыу-эсереү, торған урындарын таҙартыу, йәй атты сығарып көтөү, кәүҙәһен тарап таҙартыу, ялдарын тарау кеүек эштәр менән була ирекмәндәр. Алина ла аттар янына ирекмән сифатында килеп йөрөй...

Быйыл Бөйөк Еңеүҙең 80-се яҙын ҡаршылайбыҙ. Уға ярашлы районда төрлө саралар уҙа. Ошо көндәрҙә Рәшит Назаров исемендәге Талбазы башҡорт гимназияһы уҡытыусыһы Светлана Николаевна Атмасова һәм тәрбиәсеһе Розалия Рафаэль ҡыҙы Заһитова 4-се синыф уҡыусылары менән Бөйөк Ватан һуғышы ветераны Мөсәғитов Шәриф Һаҙый улында ҡунаҡта булды. Ветеран менән осрашыу онотолмаҫ хәтирәләр ҡалдырҙы. Шәриф Һаҙый улы һуғыш йылдарында күргән ауырлыҡтар, үҫмер сағы, Енеү көнө тураһында һөйләне. Балаларға изге теләктәрен еткерҙе...

Башҡортостан йылғаларында боҙ китә башланы. Боҙо әлегә ҡуҙғалмаған һыу ятҡылыҡтарына һис кенә лә аяҡ баҫырға ярамаған ваҡыт хәҙер. Боҙ кәүшәк, уны өҫтән ҡояш, шәре ашай, аҫтан ағым йыуа. Боҙ буйлап атлағанда ул көтмәгәндә ишелә лә төшә. Бигерәк тә яр буйҙарында боҙ ышанысһыҙ. Балалар, боҙға берүк төшмәгеҙ! Өлкәндәр, балаларҙы һыу буйҙарына...