1018 подписчиков
"АҔАМ АЛААъЫГАР..."
Атырдьах ыйын 16 күнэ Зоя биҺикки ыал буолбут күммүт. Сыл аайы ыал буолбут, сэргэ аспыт сирбитигэр , ҮөҺээ- Бүлүүгэ кэлэ турабыт. Быйыл эмиэ кэллибит. Кыыспытын, сиэммитин илдьэ.
Аҕабыт алааҺыгар, " УраҺалаах Саппыйатыгар" , бырааттарбытын, балтыбытын, кинилэр оҕолорун, сиэннэрин кытары мустан үөрдүбүт- көттүбүт.
Аҕабыт сыл аайы манна от оттуур этэ, билигин сиэнэ Сөдүөт көрөр- истэр, оттуур алааҺа.
Бу алааска от охсон баран мин аан бастакы улахан политическэй киирсиибэр - Саха АССР 12-с ыҥырыылаах Үрдүкү Сэбиэтин народнай депутатын аатын ылар иҺин - Мэҥэтээҕи 54- с уокурукка быыбарга кытта барбытым.
Бүгүн эмиэ, аймахтарым барахсаттар, үөрэ- көтө, буруо сыттаах чэйинэн, шашлыгынан, сибиэҺэй хортуосканан күндүлээн, алгыс этэн ыыттылар...
Около минуты
17 августа