71 подписчик
Тынлыҡ тураһындағы законға төҙәтмәләр
Башҡортостан Дәүләт Йыйылышы - Ҡоролтай депутаттары «Граждандарҙың тыныслығын һәм тынлығын тәьмин итеү тураһында»ғы законға төҙәтмәләр ҡабул итте.
Мәҫәлән, ғәмәлдәге ҡануниәт тарафынан торлаҡ зоналарҙа уйындар үткәргәндә төндә тауышланыу тыйылғайны. Төндә һыҙғырырға, ҡысҡырырға, тауыш көсәйтеүсе ҡоролмалар ҡулланырға ярамай. Яңы закон төндә шау-шыулы уйындар үткәреүҙе тыя. Был дәүләт власы органдары йәки урындағы үҙидара органдары ҡарары йәки ризалығы менән ойошторолған күмәк сараларға ҡағылмай.
Иҫегеҙгә төшөрәбеҙ, законға ярашлы, эш көндәрендә - 23.00 сәғәттән 7.00 сәғәткәсә, ял һәм байрам көндәрендә 23.00 сәғәттән 9.00 сәғәткә тиклемге ваҡыт арауығы төнгө ваҡыт тип һанала.
Около минуты
4 июля 2024