Татарстан Рәисе Рөстәм Миңнеханов педагогик хезмәткәрләргә 49 яңа LADA Vesta автомобиле ачкычларын тапшырды. Эш машиналарын муниципалитетларның Мәгариф идарәләре һәм бүлекләренең җитәкчеләре кабул итеп алды. Тантана ТР Дәүләт Советы каршындагы мәйданчыкта узды. Мөслим районы мәгариф идарәсе башлыгы Лилия Хәбибуллина республиканың барлык педагоглары исеменнән зур бүләк өчен Татарстан Республикасы Рәисе Рөстәм Миңнехановка рәхмәт әйтте.