20 подписчиков
🔔 МОЛИТВА ПО СОГЛАШЕНИЮ.
Благодарим Тя, Господи Боже наш, о всех благодеяниих Твоих, яже от перваго возраста до настоящаго в нас, недостойных, бывших, о ихже вемы и не вемы, о явленных и неявленных, яже делом бывших, и словом: возлюбивый нас, якоже и Единороднаго Твоего Сына о нас дати изволивый. Сподоби и нас достойны быти Твоея любве. Даждь словом Твоим мудрость и страхом Твоим вдохни крепость от Твоея силы, и аще что хотяще или не хотяще согрешихом, прости, и не вмени и сохрани душу нашу святу, и представи ю Твоему Престолу, совесть имущу чисту, и конец достоин человеколюбия Твоего. И помяни, Господи, всех призывающих имя Твое во истине: помяни всех, блага или сопротивная нам хотящих: вси бо человецы есмы, и всуе всяк человек. Темже молимся Тебе, Господи:
подаждь всем нам покаяние слезное, любовь нелицемерную, победу на враги Церкви и Отечества, яко царю Константину на Максентиа, яко Давиду на Голиафа; Отечество да укрепи, Церковь Свою Святую от распрей и расколов незыблему да сохрани!
Около минуты
26 марта 2023