3 подписчика
Календарьда яз иде...
Кояшлы! Салкын! Буранлы яз!
Хәтер дәфтәреңә төсле каләм белән:
“Назлары соңарды”, – дип яз.
Шулай диген. Соңарды шул.
Калмаса ярый ла кирәксезгә!
Яз җылысы җитмәстер ул
Керә башлаганда кара көзгә.
Календарьда март азагы,
Төн январь салкынында,
Башы-азагы күренми
Бу бетмәс буранның да.
Төсле каләмнәрең ал да,
Дәфтәреңнең тагын берәр битен
Сырлый тор син: “Ул соңарды”, – диеп,
Һәм өстәп куй: “Көттем!”
Кабат яп та хәтер дәфтәренең
Син ул битен. Оныт барын.
Җылынырсың. Майга кадәр
Эрер әле, эрер кары.
Ул карларның җәй көне дә
Яуганы бар, сарып-сарып...
Син карама календарьга,
Күңелеңне боздан сакла бары.
А.Г. 2018 март
Около минуты
17 апреля 2022