4 подписчика
Shokoladli keks
MASALLIQLAR (6 porsiya):
Tuxum — 3 dona
Kefir — 1 stakan
Shakar — 1 stakan
Sariyog‘ — 100 g
Un — 2 stakan
Qabartma — 2 choy qoshiq
Vanillin — bir chimdim
Sutli shokolad — 1 plitka
Glazur uchun:
Sutli shokolad — 1 plitka
Eritilgan sariyog‘ — 100 g
Sut — 1 stakan
Bosqichma-bosqich tayyorlash retsepti:
1. Tuxumni shakar va vanilin bilan ko‘pirtiring.
2. Kefir va eritilgan sariyog‘ solib, massani aralashtiring.
3. Un bilan qabartmani aralashtirib, xamirga qo‘shing. Quyuq smetana holatida xamir qoring.
4. Shokoladni maydalab xamirga soling.
5. Xamirni yog‘langan qolipga solib, ustini tekislang.
6. 180°C haroratda qizdirilgan gaz pechiga 40–45 daqiqaga jigarrang tusga kirguniga qadar qo‘ying. Pishganini gugurt cho‘pi bilan tekshirish mumkin.
Glazur tayyorlash:
1. Bir plitka shokoladni suv hammomida eritib oling.
2. Eritilgan sariyog‘ qo‘shing va bir tekis massa holatiga kelgunicha aralashtiring.
3. Aralashmaga bir stakan sut quyib, bir tekis bo‘lgunicha aralashtiring.
Keks sovigach, qolipdan oling va ustiga glazurni quying. Yoqimli ishtaha!
Около минуты
6 декабря 2022