Төп сәхнәлә музыкант-мультиинструменталист ZAINETDIN Башҡортостандың йәш таланттары менән сығыш яһаны.
Концерт программаһы популяр музыкантты һәм Башҡортостан Республикаһының биш ижади коллективын: «Модус» шоу-балеты, «Тамыр» телеканалының йыр студияһы, «Ассоль» өлгөлө вокаль-хореография студияһы, «Ирис» бейеү коллективы, Башҡортостан Республикаһының атҡаҙанған халыҡ ижады коллективы, Краснокама районы Краснокама ауылынан ҡалаҡ һуғыусы өлгөлө театрын бер майҙанда берләштерҙе.
«Фольклориадала ҡатнашыусыларға, беренсенән, уңыштар теләйем! Һеҙ - ҙур афарин, бында килеп, баһалап бөткөһөҙ яңы тәжрибә туплағанығыҙ. Хәҙер һеҙгә сағыу мәлдәрҙе кисереп, үҙ төбәктәрегеҙгә ҡайтырға һәм яңы белем менән артабан да ижад итеүегеҙҙе дауам итергә кәрәк. Арағыҙҙа донъя кимәлендә билдәле йондоҙҙар - музыканттар, композиторҙар, артистар барҙыр, тип ышанам. Бөгөнгө сара йөрәктәрҙә сәнғәткә һөйөү утын ҡабыҙа алғандыр тип ышанам!», - тип тәьҫораттары менән уртаҡлашты артист ZAINETDIN үҙенең сығышынан һуң.
Йәш артистар менән бергә музыкант тамашасылар өсөн үҙенең хиттарын һәм яңы композицияларын башҡарҙы. Концерт программаһына «Дурида», «Уралтау», «Беҙ Башҡортостан», «Тамыр студияһы», «Яугир», «Уралым», «Гори, ясно», «Әлифба», «Бөрлөгән», «Dj kubiz», «Лаусатин», «Атым бар», «Тромбон», «Рок» һәм «Рух» кеүек номерҙар инде.
Ҙур күләмле номерҙар, ҡатмарлы бейеү композициялары һәм ҡеүәтле энергетика онотолмаҫлыҡ мөхит тыуҙырҙы, ваҡиғаларға бай көндөң сағыу финал аккордына әүерелде.
Фото: Бөтә Рәсәй балалар фольклориадаһының матбуғат хеҙмәте.