ПРОЛОГ на день (13 июня)
Па́мять святы́я му́ченицы Акили́ны
Стихи́:
Черто́га украша́я све́тла, Женише́*,
Акили́на Тебе́ посе́чена быва́ет мече́м:
В тринадеся́тый Акили́не отсеко́ша главу́.
* - в оригинальном переводе: Чертога людии украша[й], Женише
Та бя́ше во времена́ Диоклития́на царя́, от гра́да Ви́вла палести́нскаго, дщи не́коего Евтолми́я бога́та. Крести́жеся Евте́лием епи́скопом, пятию́ лет су́щи. Бы́вши же ей лет десяти́, содруже́бницу свою́ и све́рстницу к Христо́ве ве́ре приводя́ше, и от и́дол оша́ятися поучава́ше. Тем и обо́лгана бысть анфипа́ту Олосия́ну от не́коего Никоди́ма. И приведена́ на испыта́ние, и испове́да и́мя Христо́во. Того́ ра́ди бие́на, и рожны́ желе́зны разже́ными сквозе́ слу́ха ея́ пронози́ша, толи́ко я́ко и кров́и от ноздре́й ея́ поте́кши, и всей главе́ ея́ разжещи́ся извну́трь [и дым изы́де от главы́ ея́]. Та́же прие́мши ме́чное осужде́ние и отсеко́ша главу́ ея́, и отъи́де ко Го́споду.
Церковнославянский текст (Источник: Пролог)
#Акилина #Библосская #мученица #Пролог
