ПРОЛОГ на день (01 июня)
Страсть свята́го му́ченика Иусти́на филосо́фа
Стихи́:
Иусти́на быстросло́вие потреби́ от жития́,
Я́коже обычай к пе́рвым твори́т вда́нным:
В пе́рвый ию́ния за́вистию побие́н бысть Иусти́н.
Иусти́н Христо́в му́ченик до́блий, бе от Но́ваго гра́да Cи́рскаго. Филосо́ф прему́др зело́, и мужь ра́зум име́я мног. Любя́ же Христа́ и ненави́дящих Его́ отвраща́яся и боже́ственною ре́вностию по вся дни разгара́шеся. И того́ ра́ди шед в Рим во ца́рство Антони́на, написа́ сви́ток на и́дольскую лесть, побара́я по христиа́нстей ве́ре [и] дасть его́ царе́ви. И почуди́вся царь прему́дрости его́ и хи́трости. Не то́чию не уби́ его́, но и похвали́ его́ пре́до все́ми, поне́же идолослужи́телем посрамля́ше ли́ца, и служе́ние и́дольское ле́стно явля́ше: христиа́нское же изве́стно держа́ти и утвержда́ти написании и слове́сными показа́нии. И зави́дев ему́ Кри́скент филосо́ф, и за́висти ра́ди убие́н бысть от него́.
Церковнославянский текст (Источник: Пролог)
#Иустин #философ #мученик #Пролог
