Bugun oddiygina Payme’da akkaunt ochmoqchi bo‘ldim

Bugun oddiygina Payme’da akkaunt ochmoqchi bo‘ldim.

Raqamimni kiritdim — 6 oydan beri ishlataman.

Tizim javobi:

“Bu raqamda allaqachon akkaunt bor.”

Oldingi egasiniki bo‘lishi mumkin, dedim..

Keyin nima bo‘ldi?

Akkaunt ochish uchun supportga yozishim, raqam menikiligi haqidagi hujjatni aloqa kompaniyasidan so’rab olishim, online bersa online yoki offline borib olishim va supportga telegramdan yuborishim, kutishim kerak ekan.

Shu yerda bir savol tug‘iladi:

biz haqiqatan ham 2026-yilda digitalizatsiya zamonida yashayapmizmi?

Oddiy user sifatida qarasam:

“Shunchaki boshqa ilovadan foydalanaman” deb chiqib ketaman.

Marketolog sifatida qarasam:

“Mana shu joyda kompaniya user yo‘qotyapti” deyman.

Muammo juda oddiy aslida.

Telefon raqamni tizim “doimiy identity” deb qabul qilgan.

Lekin hammamiz bilamiz:

raqam bugun sizniki, ertaga boshqa odamniki bo‘lishi mumkin.

Eng qizig‘i — yechim bor.

Va u murakkab emas.

SMS bilan raqamni tasdiqlaysiz.

Keyin yuzingizni, pasportingizni tasdiqlaysiz.

Tizim shuni tekshiradi:

“Bu raqam hozir kimniki?, Egasi ro’yxatdan o’tdimi?”

Agar sizniki bo‘lsa — davom etasiz. Bo‘lmasa — bloklanadi.

Hammasi 2 daqiqa.

Lekin hozirgi real holat:

• user kutadi

• asabiylashadi

• va ko‘pincha qaytmaydi

Ko‘p kompaniyalar bitta narsani tushunmaydi:

• User sizga qarzdor emas.

• U kutmaydi.

• U tushuntirishlarni o‘qib o‘tirmaydi.

Agar qiyin bo‘lsa — chiqib ketadi.

Bu muammo faqat Payme haqida emas aslida.

Bu — product building fikrlash haqida.

Qancha trafik olib kelsangiz ham, agar ichkarida shunaqa to‘siqlar bo‘lsa — hammasi bekor.

Eng kuchli product bu:

• kam gapiradi

• tez ishlaydi

• userni qiynamaydi

Shunaqa holatga tushganlar bormi?

@bilolalixans — Biznes & Marketing