Октябрьский шәһәренең Халыкны эш белән тәэмин итү үзәгендә махсус хәрби операция ветераны Винер Акбаров үзенең бизнес-планын уңышлы яклады. Аның инициативасы хуплау тапты, һәм алда — яңа социаль әһәмияткә ия проектны тормышка ашыру.
Винер мөмкинлекләре чикле кешеләр өчен автомобильләрне кул белән идарә итүгә яраклаштырып үзгәртү белән шөгыльләнәчәк автосервис ачарга планлаштыра. Бу кешеләргә мобильлекне, бәйсезлекне сакларга һәм актив тормыш алып барырга мөмкинлек бирәчәк.
«Әлеге проект нигезенә һөнәри белем генә салынмый, шәхси тәҗрибә, характер көче, һәм иң мөһиме — җәмгыятькә файдалы булырга теләү», — дип билгеләп үтә Винер.
Аның инициативасы — тормыш сынауларының игелекле эшләргә нигез була алуы турында ачык мисал.
Винерга проектны уңышлы тормышка ашыруын телибез һәм аның башлангычының күп файда китерүенә ышанабыз!