Текст татарской народной песни "Авылкаем" (5 версий)

1. Ризван Хәкимов көе, Рамил Чурагулов сүзләре

Мең-мең бәхет юллар чакта,
Ягым, сиңа тиң калам.
Авылның яшел чирәмен
Сагына һәрбер балаң.

Юк, китмимен, һич китмимен
Мин синнән, авылкаем.
Ак каенлы, җил капкалы,
Газиз туган яккаем.

Ай нурыдай якты иде
Авылдагы вакытлар.
Учак янында кичләрен,
Эх, күңелле уеннар!

Юк, китмимен, һич китмимен
Мин синнән, авылкаем.
Ак каенлы, җил капкалы,
Газиз туган яккаем.

Зифа юкәләрең белән
Кызыктырма син, калам —
Кайда җиләк болыннарың,
Яшел чирәмең кайда?

Юк, китмимен, һич китмимен
Мин синнән, авылкаем.
Ак каенлы, җил капкалы,
Газиз туган яккаем.

2. Фәнир Галимов көе, Рәфис Зиязетдинов сүзләре

Яшәсәм дә еракларда
Тора алмыйм мин синсез.
Читкә типмә, авылкаем,
Буласым килми сансыз.

Йөзәрләгән балаларың
Дөньяларны гизәләр.
Авырлыклар килгән чакта
Сиңа табынып түзәләр.

Гомерлеккә уелгандыр,
Мәхәббәт авылыма.
Агарса да чигә чәчем,
Бетмәс сөюем сиңа.

3. Илдар Ногманов көе һәм сүзләре

Кайтып киләм авылыма,
Каршы ала күл буйлары.
Балык тотып, уйнап үскән
Инешләре, елгалары.
Кайтып киләм авылыма,
Сукмак төшкән урамнарың.
Урап узам әле тагын
Бер туздырып тузаннарын.

Сагындыра, сагындыра
Кайтмый торсам авылыма.
Кайта сиңа балакаең,
Хәлләр ничек, авылкаем?

Кайтып киләм авылыма,
Көткәнсеңдер син дә мине.
Тәпи киткән туган нигез,
Туган өем тарта мине.
Ни хәлләр сез, туганнарым,
Әти-әни, якыннарым?
Кайтып киләм сезгэ тагын,
Сагындым бит, авылкаем.

Сагындыра, сагындыра
Кайтмый торсам авылыма.
Кайта сиңа балакаең,
Хәлләр ничек, авылкаем?

4. Айнур Сәйфиев көе, Сәрия Бикмөхәммәтова сүзләре

Һич онытмыйм авылымның
Тальян гармун моңнарын,
Тальян гармун моңнарын.
Һич онытмыйм авылымның
Тальян гармун моңнарын,
Тальян гармун моңнарын.

Туган яктан киткән чакта
Озатып калды каен,
Айлар үтә, еллар үтә,
Сагынам авылкаем,

Һич онытмыйм авылымның
Көтү кайткан чакларын,
Көтү кайткан чакларын.
Һич онытмыйм авылымның
Көтү кайткан чакларын,
Көтү кайткан чакларын.

Туган якларны сагынам,
Мин синең газиз балаң.
Туган якларда төзәлә
Сагыштан тулган ярам.

Һич онытмыйм авылымның
Айлы-кичле ал таңын,
Айлы-кичле ал таңын.
Һич онытмыйм авылымның
Айлы-кичле ал таңын,
Айлы-кичле ал таңын.

Озак тормам, бер кайтырмын,
Каршы алыр җилләрең.
Җырларыма кушып җырлыйм,
Туп-үскән җирләрем.

Һич онытмыйм авылымның
Чишмәләрен, күлләрен,
Чишмәләрен, күлләрен.
Һич онытмыйм авылымның
Айлы-кичле ал таңын,
Айлы-кичле ал таңын.
Һич онытмыйм авылымның
Көтү кайткан чакларын,
Көтү кайткан чакларын.
Һич онытмыйм авылымның
Тальян гармун моңнарын,
Тальян гармун моңнарын.

5. Әнвәрия Ибәтова көе һәм сүзләре

Синдә үткән бала чакларыбыз,
Үсмер чаклар, яшьлек еллары,
Күңелләргә җуелмаслык булып
Калды туган якның җырлары.

Авылымның урамнарына
Күпме мәхәббәт сере сыйган.
Сагындырып кайтар, газиз җирем,
Туган авылыннан кем туйган.

Хәтерләрдә буранлы кышлары,
Сандугачлы җәйге кичләре.
Язларында назларга тулышкан,
Бөреләнгән сөю хисләре.

Авылымның урамнарына
Күпме мәхәббәт сере сыйган.
Сагындырып кайтар, газиз җирем,
Туган авылыннан кем туйган.

Урамнардан гармун тартып узам,
Чалларса да инде чәчләрем.
Гомер буе сиңа таб(ы)нып, саг(ы)нып,
Яшәү көче алып яшәдек.

Авылымның урамнарына
Күпме мәхәббәт сере сыйган.
Сагындырып кайтар, газиз җирем,
Туган авылыннан кем туйган.
Сагындырып кайтар, газиз җирем,
Туган авылыннан кем туйган…