Сибай концерт-театр берекмәһенең “Сибай” халыҡ бейеүҙәре ансамбле репититоры, Башҡортостандың атҡаҙанған артисы Лариса Хәтмуллина «Ҡатын-ҡыҙ – милләт әсәһе» Бөтә Рәсәй конкурсының муниципаль этабында “Милләт әсәһе” номинацияһында еңеп сыҡты.
Рәсәй кимәлендә ойошторолған сара Башҡортостандың Мәҙәниәт министрлығы һәм Бөтә Рәсәй “Рәсәй халыҡтары ассамблеяһы” ижтимағи-дәүләт ойошмаһы һәм “Ватанды һаҡлаусылар” фондының төбәк филиалы ярҙамында Башҡортостан Республикаһының “Башҡорт ҡатын-ҡыҙҙары йәмғиәте" ҡатын-ҡыҙ статусын үҫтереү Һәм уның ролен әүҙемләштереү төбәк йәмәғәт ойошмаһы башланғысы менән быйыл унынсы тапҡыр үткәрелә.
“Ҡатын-ҡыҙ - милләт әсәһе” конкурсының финалы Өфө ҡалаһында 2026 йылдың 18 мартында үтәсәк.
Хеҙмәттәшебеҙгә конкурстың республика этабында уңыштар теләйбеҙ!
