Теда’ тюкы яля’ вадами’ ӈарка хэбидя яля’ няю” на – 8 Марта. Сямян я’ сяр” ний не” етя хэбидя ялядо’ таня. Тикы яля’ нюмда тарем’ со – Международный женский день. Теда’ лахарёва’ Сеяха’ тер” не’ вадахат пяӈгув. Татьяна Черникова харад’ тер”, выӈгы илам’ ёльце мэнеда. Тикамда стихотворенияхана падвэда, толара”.
«ТУНДРОВАЯ ЖЕНЩИНА»
Тундровая женщина
С вечностью повенчана!
Тундровая женщина
Проста, сильна, застенчива.
Словно солнце красное
Жизнь рождает заново,
И в пургу ненастную
В чуме дети с мамою.
Стадо будет крепкое,
Семья обеспечена,
Если в жёны взял себе
Тундровую женщину…
31.01.26г.
с. Сеяха, Татьяна Черникова
Ненэсянда, выӈгы не – неӈэдя ил’. Вынгана илена не я”амнада юӈгу. Пыда хусувэй ӈамгэм’ пир”ӈа. Несипой’ хойняна ил’ хасерты”. Не вэсакомда, нюда, мал” мята тер ембпи, ӈавламби, мята мярыби, идм’, пям’ пэрӈа, илам’ минре.
– Выӈгана илма’ маня” нянахавана” саць тоянанада юӈгу. Хэвнякуд сырап’ тоянанараха ӈэсеты. Ниданда манэп’ хусувэй ненэця’ тэнз’ иланда пирувнанда тояна. Сямян ненэця” тэнз мяд’ терсавэй. Мядм’ минрена – не. Я’ ӈавна ил’ тарем’ таславэда, вэсакохо’ пухуцяха’ ӈобкана илеӈнуху’, сямян манзъиди’, тоянана серо, сава сер ӈобт’ тярпаӈгуди’, ниди’ нядабаӈгуху’. Тедаӈод тарем’ иле тарава. Иле нята нядм’ нёховабт нядабю’, няр ныхысялмда, пэдаӈгаӈгу. Мань мя”ни’ тер нями’ етри’ нядабасетыв. Мякна мэбнани’, идм’ хосаява’ ӈаркада юӈгунё’. Тикым’ пэрмахани’, нями’ тамна ӈани манзъида малеӈгу. Тарем’ ӈоб’ сер” илам’ нерня’ минре таранакы, ими’ тарем’ ибедорӈа. Нями’ ини’ ядан’ нядабасетыв. Иле нята нями’, пухуцями’ саць мэнев. Тадри 8 марта тута. Тикы яля’ няю” сямян нен’ сава вадам’ ӈэдарамбидм’: савовна иледа”, сензда” ӈада”. Маня” пыдара” сиципой’ илма’ юӈгу. Небянана”, ню”на небя”, не нюкцина”, нябакуна”, не нина”, савари сехэрэвна ил’ миӈъя, мядота’ мюй’ ядембая”, терсавэй ӈэя”. Хусувэй ялян’ маямбида”! – тарця сава вади Дмитрий Окотэтто ваде”ӈась, пыда Сеяха’ харад’ выӈгана иле.
Хой’ тер” не’ манзъяда ӈока. Я’ мидхэхэд таславы ӈэвы, ӈэсодава’ ёльцяӈгана мядм’ не мярыбаӈгуда, ямданава’ ёльцяӈгана пыда ха”аврамбаӈгуда. Тад тикы невхы’ похо”на хойняна хамедёда луца’ имбыт’ юӈговы, тиканда хавна не илева’ ямбан’ сэдора, мэета, тарем’ выӈгана илам’ минре.
– Мань няни’ Нум’ ирикоми’ сямянхат сава небям’ ӈэдаравы. Я’ сяр” ниня ӈани’ тарця не юӈговаӈгабя. Сэв”ни’ ӈадиво”махад, теда’ тюкы ялэ” ӈэсонд’, мамаков сидна” ёльце савовна пэрцеты. Нисяева’ мер” юӈгомысь. Небява’ харта хойняна сидна” вадавы. Илева’ ямбан’ сидна” ембпи, ӈавламби, савари вади мэцеты. Сяхарт’ нив тене’, ӈаворман’ харвавами’, ӈарсуй мальцям’ мэсо”мами’. Теда’ небяв ӈарма. Си”ив ю” пода. Мань ихинани сава, мамав тамна нянана” иле, маниева”. Тикы сямянхат сава, тарана маябцо. Мамаков, пыдар сиципой илма’ юӈгу. Сит мание, сейна” таӈга”. Нют ню” сит мание вадёданна”, тикахад сава и’ маябцо хурка ӈэӈгу. Тад нерняю” тамна пон’ сит маниехэва”, сеяр таӈгая, – тарця сава вади Вадим Окотэтто хэтась, пыда ӈобтарем’ Сеяха’ выӈгана иле.
Не хой’ тер” илам’ соявы. Тедаӈод’ илам’ нерня’ минре. Выӈгана не манзъита помна лаханако мэцеты, нюда лаханакурць нята. Тарем’ лаханакурманда сер” невхы илам’ вадета. Ирината, хаданата илам’ нюхута, нюта нюху ваде”тада. Тарем’ ӈацекы ӈавхы илам’ ӈамдорӈа”.
– Ӈавна ӈоб’ паднавы луца танясь, нюмда Максим Горький. Пыда тарця вадида таняць: «Я’ сяр” ниня ненэця’ тэнз сертавэда ӈока. Сямянхат и’ маӈгуда сер” – нем’ мэнева, нем’ сяма, нем’ савадава. Хусувэй ненэця” иланда паӈг нехэд пере.» Маня” выӈгана иленаӈэ хуркари тарця вади нисетыва” мэс”. Луца’ вадавна вадета хуркари сава вади нибна” мэсӈод’, пухуцина”, небянана” ӈобтарем’ мэне”нинам’. Пыдо’ сиципой’ ӈамгэ’ ил’ ӈэӈгоса. Мань мякнани’ няхар” не’ тэнз. Мэнена пухуцяв. Пыда сидя сядота ненюм’ хось. Ненюкцяхаюн ёльце сяӈахаюн, илаӈгадни’ савовна хамзӈахаюн. Мамаков – иландами’ тавы, тецьда’ помна сидна” вадавы, ханяв сяй’, мэнев. Ямал’ тер” не”, небянана”, пухуцина”, не нюна”, маня” сидда” ёльце сяӈава”, ёльце мэнева”. Пыдкакора” нёда” хаӈгур”, савари ихина иледа”, сейда” таӈгая”, сэвкакуда савовна сырӈая”, письӈада”. Сидда” мание маня” илева”, мара’ танявэда”! – тюкы сава вади Вадим Сэрпиво хэтыдась, пыда Сеяха’ хойняна иле.
Хойняӈы не” мядм’ ня”амбаванда хавна, выӈгы илам’, хойняӈы илам’ сермам’ минре. Тиканда, выӈгана несипой ил’ юӈгу.
Антонина Серасхова
(Перевод на русский язык)
Женщины тундры – это целый мир.
Сегодняшнюю статью, приуроченную к Международному женскому дню, начнем с замечательного произведения сеяхинки Татьяны Черниковой. В этом стихотворении автор передала весь смысл жизни женщины тундры, её роль в этом суровом краю.
«ТУНДРОВАЯ ЖЕНЩИНА»
Тундровая женщина
С вечностью повенчана!
Тундровая женщина
Проста, сильна, застенчива.
Словно солнце красное
Жизнь рождает заново,
И в пургу ненастную
В чуме дети с мамою.
Стадо будет крепкое,
Семья обеспечена,
Если в жёны взял себе
Тундровую женщину…
31.01.26
с. Сеяха Татьяна Черникова
И действительно, женщина в тундре – это жизнь. Женщина тундры – это одетые, обутые и сытые дети и муж, это порядок в чуме, это горящий очаг и свежая, чистая, студёная вода.
– Жизнь в тундре, да и вообще жизнь – непростая штука. Она придумывает всё новые и новые проблемы, и большую часть их сбрасывает на женские плечи. Но давным-давно создали семью, где два человека делят все дела между собой и заботятся друг о друге. И сегодня нужно продолжать эти традиции. Без заботы, любви и поддержки у наших женщин опустятся руки. Я не хочу хвалить себя, но стараюсь во всём помогать своей супруге, которую очень сильно люблю и ценю. Крайне благодарен маме, что дала мне жизнь. Любимые женщины – мамы, сёстры, жёны, дочери! В этот чудесный праздник 8 Марта мы бесконечно благодарны вам за то, что вы есть. За вашу нежность, поддержку и безграничную любовь. Желаем вам душевного спокойствия, гармонии в сердце, уюта в доме и улыбок близких. Пусть каждый день будет наполнен светом, а рядом – только те, кто ценит вас по-настоящему. Будьте счастливы! – с искренними пожеланиями говорит Дмитрий Окотэтто, житель Сеяхинской тундры.
Женщина в тундре выполняет множество обязанностей, среди которых разведение очага, поддержание огня в печке, приготовление еды, уборка, выделка шкур, пошив обуви и одежды.
– Я бесконечно благодарен Нум’ ири за то, что у меня такая прекрасная мама. Сколько себя помню, мама всегда бережно о нас заботилась. Мама достаточно рано овдовела и одна вырастила нас в тундре. Мы никогда не знали голода, всегда были хорошо одеты. И я счастлив сейчас, что имею возможность видеть маму в таком почтенном возрасте. Мама, ты – наш уютный дом, тихая гавань и источник бесконечной доброты. А как бабушка ты даришь внукам столько тепла, что его хватит на много лет вперёд. Желаем тебе, чтобы жизнь отвечала тебе тем же – заботой, вниманием, радостью и гармонией. Пусть глаза сияют, сердце не знает тревог, а рядом будут те, кто ценит и любит тебя так же сильно, как мы, – обратился с пожеланиями Вадим Окотэтто, житель Сеяхинской тундры.
Женщина тундры – хранительница знаний и традиций своего народа, она знает историю рода, легенды и мифы, передаёт их детям и внукам. И самое главное – женщина даёт жизнь.
– Я начну свою беседу со слов писателя Максима Горького: «Самое умное, чего достиг человек, – это умение любить женщину – поклоняться её красоте; от любви к женщине родилось всё прекрасное на земле». Так вот, живя в тундре, мы редко говорим красивые речи, но на самом деле мы очень любим своих жён, мам, дочерей. У меня, к счастью дома, есть все три женщины: любимая жена, которая подарила двух распрекрасных и чудесных дочек, которых я бесконечно люблю и не представляю своей жизни без них. Супруга дала мне возможность узнать роль отцовства, эту ответственную миссию и прекрасное чувство. И мамочка – родной человек, который вырастил нас в этих суровых условиях. Мама всегда поддержит и ждёт нас домой. Дорогие мамы, жёны, дочери – мы бесконечно любим вас и желаем вам душевного тепла, спокойствия и гармонии. Пусть в доме царит уют, сердце наполняется радостью от простых мелочей, а улыбка не сходит с лица. Спасибо, что вы у нас есть! – с добрыми пожеланиями обратился Вадим Сэрпиво, житель Сеяхинской тундры.
Таким образом, можно сказать, что женщина в тундре – это не просто хозяйка чума, а душа жилища, а значит, и душа тундры.
Антонина Серасхова