Назарали Назаралиев — лезгинский поэт. ХъуьтIуьн бере, пилте-пилте жив къвазва,
Ракъинин нур зайиф хьана аквазва,
Къулавай цIал чайданда чай ргазва,
КIвалин юкьвал диде хцив рахазва. Я чан, зи хва, варцар йисар акъатда,
КIанзни-такIанз чун сад-садавай къакъатда,
Зун Ватанда, вуни жеда гъурбатда,
Гьа чIавузни диде рикIел къведатIа, хва? Эвлеyмишна вакай буба жеда, хва,
ИкI, акI лугьуз рекьел алудда папа,
Хизан къалин, артух жеда вахъ арха,
Гьа чIавузни диде рикIел жедатIа, хва? Вахтар фида, чIехи жеда веледар,
Къелемдикай жеда бегьер гудай тар,
Цуькверинни кьурла дадлу емишар,
Гьа чIавузни диде рикIел жедатIа, хва? Гьич шак алач, диде кьуьзуь жеда, хва,
Зи дердиниз кьве юкI агъ жеда чара,
Мукьвал-мукьвал тахьайтIани, гьар йиса,
Вун дидедин сурал кьванни къведатIа, хва? ГьикI хьайитIани кьисметар я Аллагьдин,
Хиялар я, иеси тахьуй гунагьдин,
Гьар гьафтеда садра кьванни жуьмядин
Юкъуз, диде кьилди сура тамир, хва. Зун рекьида, чан алайдаз аквада,
Гьа икI лугьуз, диде яваш рахада,
Гьикьван
Назарали Назаралиев — лезгинский поэт.
ХъуьтIуьн бере, пилте-пилте жив къвазва,
Ракъинин нур зайиф хьана аквазва,
Къулавай цIал чайданда чай ргазва,
КIвалин юкьвал диде хцив рахазва.
Я чан, зи хва, варцар йисар акъатда,
КIанзни-такIанз чун сад-садавай къакъатда,
Зун Ватанда, вуни жеда гъурбатда,
Гьа чIавузни диде рикIел къведатIа, хва?
Эвлеyмишна вакай буба жеда, хва,
ИкI, акI лугьуз рекьел алудда папа,
Хизан къалин, артух жеда вахъ арха,
Гьа чIавузни диде рикIел жедатIа, хва?
Вахтар фида, чIехи жеда веледар,
Къелемдикай жеда бегьер гудай тар,
Цуькверинни кьурла дадлу емишар,
Гьа чIавузни диде рикIел жедатIа, хва?
Гьич шак алач, диде кьуьзуь жеда, хва,
Зи дердиниз кьве юкI агъ жеда чара,
Мукьвал-мукьвал тахьайтIани, гьар йиса,
Вун дидедин сурал кьванни къведатIа, хва?
ГьикI хьайитIани кьисметар я Аллагьдин,
Хиялар я, иеси тахьуй гунагьдин,
Гьар гьафтеда садра кьванни жуьмядин
Юкъуз, диде кьилди сура тамир, хва.
Зун рекьида, чан алайдаз аквада,
Гьа икI лугьуз, диде яваш рахада,
Гьикьван хьайитIан(и) вун девлетрин арада,
Гьич садрани намус квадар мийир, хва.
Диде рикIел хьайитIа ваз аферин,
ТахьайтIа за вуч лугьуда, гьикI ийин,
За ваз гайи гьалал тир пак никIедин,
Сиве авай дад, виртIедихъ гумир, хва.
Ширин ванцел бала фида ахварал,
Хиялри зун тухузава яргъарал,
Гьикьван хьайтIан вун гъурбатда, патарал,
Дидед гайи тарс вуна квадар мийир, хва.
