🌷НИШЛӘР ИНЕК ҺЕҘҺЕҘ

🌷НИШЛӘР ИНЕК ҺЕҘҺЕҘ...

Һигеҙ һаны -

Ҡатын-ҡыҙҙар һыны:

Өҙөлөрҙәй нескә билдәре.

Һигеҙ - игеҙ йөрәк,

Тигеҙ тормош,

Мөхәббәт һәм сафлыҡ билдәһе.

Һигеҙ һаны ике тамсы һымаҡ,

Ике тамсы -

Ғүмер нигеҙе!..

Ғашиҡтарҙың никах балдағы ла

Хәтерләтеп ҡуя

Һигеҙҙе.

Әммә тормош гел байрамдан тормай,

Йылдың көндәре күп

Һигеҙһеҙ.

Тик, һөйөклө ҡатын-ҡыҙҙарыбыҙ,

Нишләр инек икән беҙ

Һеҙһеҙ!

Салауат ӘБҮЗӘР.