Талдықорған қаласында 4 наурызда ХХ ғасырдағы қазақ ұлттық қозғалысының белсенді мүшелерінің бірі Барлыбек Сырттановқа арналған "Ұлт көшбасшысы. Тәуелсіздік жолындағы тағдыр" дөңгелек үстел болып өтті.
Дөңгелек үстел Жетісу облысының М. Тынышпаев атындағы өлкетану мұражайының ұйымдастыруымен ашылып, іс-шараға - Алматы қаласындағы Әл-Фараби атындағы Қазақ ұлттық Университеті мен Абай атындағы Қазақ ұлттық Педагогикалық университетінің тарихшылары мен Талдықорған қаласындағы І. Жансүгіров атындағы Жетісу Университетінің тарихшыларымен Талдықорған қаласының өлкетанушылары мен қала мектептерінің тарихшылары қатысты.
Екі сағатқа созылған іс-шара Барлыбек Сырттановтың өміріне қатысты тың мағлұматтар айтылды.
Іс-шараның аяғында - жиналған қауым Талдықорған қаласын Барлыбек Сырттановқа еңселі ескерткіш ашу бастамасын көтерді.
Жалпы. Барлыбек Сырттановқа Талдықорған қаласында ескерткіш ашу мәселесі жиырма жылдан бері айтылып келе жатыр.
Қазақ мемлекеттілігі тарихында көптеген заңдар болған. "Қасым ханның Қасқа жолы", "Есім ханның ескі", Тәуке ханның "Жеті жарғы" заңдары секілді.
Бірақ бұл заңдар жүйелеңген түрде жасалғанымен Конституция ұғымына жақын болғанымен тура мағынада Конституция болмады.
Кеңестік кезеңде де бірнеше Конституцияны қабылдады
- 1920 ж.
- 1925 ж.
- 1937 ж.
- 1978 ж.
Қазақстан Тәуелсіздік алғалы бері үшінші Конституциясын қабылдайын деп жатыр.
Бірақ бұл Конституциялар алқалы комиссиялар арқылы жазылып қабылданған болатын.
Ал 1911 жылы отарланған Қазақ халқын Тәуелсіздікке қарай қадам басқызу үшін Барлыбек Сырттанов жеке өзі Қазақ халқын дүниежүзі елдері қатарында теңдей дәрежеде орын алуға итермелейтін "Қазақ уставы" аталған Конституциялық құжатты жеке өзі жазып шыққан
