👻 Адна з галоўных легенд Гродна, у якую многія дагэтуль вераць - падземныя хады пад горадам. Калі іх упершыню пачалі шукаць? Магчыма, у 1885-м.
Тады ў Гродне ўжо 9 гадоў працаваў водаправод. Але ён ахопліваў толькі правы бераг Нёмана. Таму важным было падключыць Занёманскі фарштат - сённяшнія ваколіцы вуліц Гарнавых, Гагарына, Дарвіна і Савецкіх пагранічнікаў.
Планавалася пракласці трубу ўздоўж збудаванняў чыгуначнага моста. Але ў гэтым выпадку існавала рызыка, што труба замерзне ў перыяд маразоў і яе наогул разарве.
Тады хтосьці прапанаваў нечаканы праект: а давайце пракладзём трубы праз старажытны каменны тунэль, які быццам бы знаходзіўся пад Нёманам паміж Старым замкам і францішканскім касцёлам. Тагачаснае Таварыства водазабеспячэння было гатова пачаць пошукі гэтага тунэля з боку Занёманскага фарштата. Гарадская ўправа дала дазвол на даследаванні, але пры ўмове, «чтобы изыскания эти проводились не иначе как под правительственным надзором».
Як і чакалася, пошукі ні да чаго не прывялі — існаванне падземнага ходу пад ракой не пацвердзілася.
А першая сапраўдная водаправодная труба па дне Нёмана была пракладзена значна пазней — толькі ў 1930-я гады.
😉 На фота - зусім не таемны падземны ход, а падвалы "анатамічкі" на Маркса, 1, знятыя студэнтамі з 1992 годзе.
🔥 Ваш унёсак у гісторыю: Калі вам падабаецца тое, што мы робім, падтрымайце нашы даследаванні кавай. Кожны данат – гэта новы пост і захаваная гісторыя Гродна!
🫶 ДАНАТ 🫶
👀 Зазірніце ў Гродна!
📸 Больш фота і цікавых фактаў: Дадайце візуальнага Гродна ў сваю стужку! Падпішыцеся на наш Instagram
🎥 Падрабязныя відэа-гісторыі: Глядзіце дакументальныя відэаматэрыялы на YouTube
