Көс һынашты балыҡсылар!
Хәйбулла районының Әбеш һәм Вәзәм ауылының оҫта балыҡсылары өсөн йәмле Һаҡмар буйында ҡышҡы балыҡ тотоу буйынса бәйге үткәрелгән.
- Балыҡ ҡармаҡлау - беренсенән, һоҡланғыс тәбиғәтебеҙ менән аралашыуҙан онотолмаҫ тәьҫораттар алған ял булһа, икенсенән- ихтияр көсөн нығыта, өсөнсөнән- күңелде тынысландыра, ҙур ҡәнәғәтлек бирә.
30 градуслы һыуыҡҡа ҡарамаҫтан бәйге көсөргәнешле барҙы. Һөҙөмтәләр буйынса иң күп балыҡ тотоусы - Вәзәм егете Ишемғолов Илнар . 2- се урында Әбештән Юнысов Урал, 3- сө урында Вәзәмдән Сурин Флорид. Иң эре балыҡ тотоусы- Сурин Ғәни ағай булды. Бөтә ҡатнашыусыларға ла Әбеш ауылы биләмәһе башлығы Юнысов Таһир Мөғлитдин улы иҫтәлекле бүләктәр тапшырып китте.
Ә балыҡсыларҙы яр буйында Әбеш һәм Вәзәм мәҙәниәт йорттары хеҙмәткәрҙәре әҙерләгән тәмле балыҡ һурпаһы һәм ҡайнар самауыр сәйе көтә ине.
Күңелле ялдан матур тәьҫораттар алып таралыштыҡ, ҡатнашыусыларға ҙур рәхмәт,- ти сараны ойоштороусылар.
🖊️мәғлүмәт һәм фото Хәйбулла районы башҡорттары ҡоролтайы төркөмөнән
