✍ Рамаҙанда ҡунаҡҡа саҡырһалар
❓ Һорау: Әссәләмү ғәләйкүм үә рәхмәтүЛлаһи үә бәрәкәтүh. Аятҡа саҡыралар. Нимә эшләргә? Аят үткәреү дөрөҫ түгел бит. ДжәзәкәЛлаhү хайран.
❗ Яуап: Үә ғәләйкүм әссәләм үә рәхмәтүЛлаһи үә бәрәкәтүһ!
Ураҙа мәлендә (Рамаҙан айында) көндөҙ ҡунаҡ саҡырырға ла, ҡунаҡҡа барырға ла ярамай, ҡунаҡ һылтауы менән ураҙаны боҙоу – оло гонаһ. Бөтә мәжлестәр ҙә кискеһен, ҡояш байығас үткәрелергә тейеш.
"Ғәфү итегеҙ, бара алмайым, мин ураҙала", – тип яуап бирегеҙ, ояты юҡ. Рамаҙан айында, "ураҙа тотам", тип әйтеү маҡтаныу ҙа, рыя (урыҫса – показуха) ла булып тормай. Киреһенсә – был һәр кемдең фарызы, ә фарыз эштәрҙе йәшермәйҙәр. Ураҙа мәлендә көндөҙ мәжлес үткәргән кешеләрҙең үҙҙәренә оят һәм уңайһыҙ булырға тейеш.
Ә тәүфиҡ – бер Аллаһтан.
#һорауяуап #рамаҙан #көнкүреш
© "Башҡорттарға – дин!"
