Бүген Бөрбаш мәдәният йортында «Гаилә тарихында гасырлар кайтавазы – без тарихта эзлебез» исеме астында нәсел шәҗәрәсе республика конкурсының муниципаль этабы узды. Бәйрәм чарасында Кенәбаш авылыннан Зыятдиновлар һәм Югары Ушмадан Ишмурзиннар гаиләләре үз династияләрен лаеклы тәкъдим иттеләр. Нәсел шәҗәрәсе бәйрәме гаиләләр әзерләгән күргәзмәне тамаша кылудан башланды. Һәр гаилә үзенең нәсел шәҗәрәсе турында бәян итте, алар үз чыгышларын музыкаль номерлар белән бизәде. Беренче урынны Ишмурзиннар, икенче урынны Зыятдиновлар гаиләләре алды. Ишмурзиннарга зона бәйгесендә уңышлар телибез!