Ненэй ненэця” я’ мидхэхэд мюсярмы”. Ӈамгэ’ мян’ пелядо’ нядэ иле”. Ӈабцата ненэця’ тэнз мюсярманзь маславы ӈэдакы. Сэвня” тяхад иринана” ты пэрмы”. Илева” ямбан’ тыдо’ манзъямы”
Тыто’ нядад пюсь несэй ян’ ямдаӈгавы”. Тэсипой’ ненэй ненэця” иланда ханзоси. Мюсярта ненэць тэри хэ”ли ӈамгэ’ мюня вуни илеӈгу’. Тикы’ е”эмня невхы” похо”на ненэй ненэця” мядм’ мярвы”. Тецьда” помна мюсярць, тыдо’ танаба, тюкы яляха”, ханзели’ пи”нарць, вы’ тер” тэввыд”. Ненэцяӈгана мя” саць тарана, хэбидя ӈамгэ. Мя’ саваривна мэць тара. Мяципой’ ты пэртя манэцеси.
- Мань выӈгы иланси’ илми’ нив мание”. Тэсипой’, ненэй мяципой’ иле нивандархав пирас”. Хардахана пэ” харад” мюня ядемби, хор пятаба ни тара’, и’ харта хурна, тецьда’ помна нераць ни тара’. Тареӈод’, мань хойняӈы илми’ мэнев. Мань хэвня’ хэсь нись пирас” выӈгана нидм’ иле”. Мюсярма ихинани’ сава, ӈэдалёва, мядм’ маниева, хойняӈы ил’ сава. Тэкоцикони’ мэнедм’. Я’ сяр” ниня тэхэт сава илена ӈамгэ юӈговангабя. Ты сяхарт нянд вэва мунм’ ни мэт’, едянда таняб’ ни тёрыт’. Тэкоцини’ лаханакурць няцетын, инзеленараха’ ӈэсеты”. Ты” тэри лимбекако”, паской”. Мань вэсакоми’ нядаба ма”алкосетым’, я’ ний ӈамдэдако’ манэсарцетым’. Сидя юкадвата по’ тяхана мярвы мя”ми’ ёльце мэнев. Харни’ мярвэми’, харни’ сэдвэми’. Тюкохона нюни’ вадыць, теда’ ныланаванзь тэворцеты”. Мякни’ тэвбани’, ныхыдами’ ӈадимсеты, ныланасетыдм’, - Олеся Окотэтто ма, пыда Сёяха’ харад’ выӈгана иле.
Я’ сяр” ниня ненэй мяд’ пыдикабт” таня”. Ӈули” ненэй мяд’ то”олха” ни” ӈа”. Ненэй мя” сянамбой’ ма”ламбда. Тиканда хавна таӈота сырита мерцям’ ни хомбю’, сарём’ ни хомбю’. Хой’ тер” выӈгана мято’ мюня ханзер” иле”, тарцям’ манэ”ман’ харвана я’ сяр” ниня ӈока. Сёяха’ хардахана сян’ по’ тяхана яха’ надо’ ни’ ӈоб’ ӈарка мя’ ӈадимясь. Тедахавэ, хусувэй хибя, мядмэ манэ”ман’ харвана, вынд’ ни ӈэдалёд”. Ненэй мя’ харад’ поӈгана мяры. Сян’ по’ тяхана общественной организация «Лэё» грантм’ падвысь. Тикы падаркана мядм’ мярва’ няю” паднавы. Тикы мято’ мюня сэдораӈгу”, лаханакурта”, сяянда”, манзраӈгу”, тарем’ таславэдо’. Тарем’ «Мел” ӈуди’ мядм’» мярвы”.
- Мякнана” сэдорана” не”, хасава манзрасеты. Ӈацекэхэ’, вадёдана ненэцяӈг’ манзрабцом’ ӈадимдемби”. «Лэём’» нюбета организациява’ нядаӈгосеты. Сёяха’ хардахана по’ сер” хуркари’ мероприятия” танясеты”: сянакова яля, харад’ соя”ма яля, ӈэрм’ тер” ненэцяи” тэнз хэбидя яля, тад тамна хуркари”. Сяйманзь турта” ненэця” танясеты”. Сидна” нядабадина” сава вадахана вадеман’ харвадм’. Сёяха’ тер”, хой’ тер”, хуркари нумгана мят’ тэворцеты”, сидна” хуркари манзъяхана нядасеты”. Маня” ӈобтарем’ мят’ турта ненэцям’ пин’ нива’ питарт”, сяйлабтаӈгува”, лаханакултаӈгува”. Мя”ма тикы’ е”эмня мярвы нивӈа’, - Лариса Вануйто ма, пыда МОО КМНС «Лэё» минре.
Ненэй мяд’ мюня таӈота сырита хуркари” мероприятия” ӈэсеты”. Тюкохона сэдорана” сэдорасеты”, лаханако мэта”, лаханако мэ”ӈа”, панорта” паноӈра”. Тарця проект таня «Внеси СВОй вклад в Победу!». Тикым’ нядабада” ӈобтарем’ ненэй мяд’ мюня тарана серм’ минре”: таӈга сертаби”, машин’ такалба мэта поӈг панорпи”, солдатхана тарана ӈаво ӈэдарамби”. Тад тикы’ хавна ненэй мякна тюва серм’ мэцеты”. Ӈобт’ тэвна мяд’ тер” тюкохона ӈобт’ паднасеты”.
- Мань хардан’ хабейманзь тэворпа”ни’, ненэй мят’ ӈоб” тюӈгсетым’. Мя’ нэбёвы ӈэсеты”. Хибяхарт’ юӈгоб’, манзъяконд таняб’, мядм’ пэртям’ хонраӈгун’. Ханяӈэхэна, падар” манзъя ӈока ялям’ ханасеты. Пэвсюмя’ няна етя пэртя юӈгода. Тарем’ ерембата, хойняд мякдани’ манзъядми’ содасетым’. Тандъярка’ хобам’ мэедамансь. Тад пуна тиками’ панэӈэ сэдаӈгув, - Анастасия Окотэтто ма, пыда Сёяха’ выӈгана иле.
Сян’ по’ тяхана, Лариса Вануйто мядм’ мярувнсь ибедорпта, тарця’ им’ ня”амбавысь: ненэй мят’ хибя харва тэворта, тюкохона ненэця” ӈобкана ӈамгэ’ мян яля’ пелям’ мэта”, лаханакурта”. Теда’ тарем’ сырап’, серта сер” еремя. Ненэй мядико Сёяха’ надо’ ниня парцьне. Няхар” по’ ямбан’ падаркана пыхыдадо’ падвы самляӈг юр” ненэць. Тикы’ хавна паднавдавэй тэвормы” ненэця” сяӈок ӈэдакы. Ненэй мядико сянамбой’ мярыбада, ӈока мазъяда юӈгу, сибё. Ненэй мядико ям’ ни’ портебю’, нида тахабтамбю’. Я’ ӈавнандо’ мядм’ серта идевы” ненэй ненэця” ва”лёй ӈэвы”. Мядм’ тидпой’ мэкваб’, сававна тырабтамбаб’, ненэй мядико’ пон’ переӈгу.
Чум – центр «вселенной»
Ненцы, как известно, полукочевой народ. Их основным занятием является оленеводство. В зависимости от сезона жители тундры перекочевывают на новое место, чтобы обновить пастбища оленям
Ведь эти статные животные являются основой жизни оленеводов. Не зная оседлости, тундровики живут во временных мобильных жилищах – чумах. Так, кочевники смогли использовать в свою пользу суровые условия Арктики. Для ненцев чум – это центр всей жизни семьи, который воспринимается как целый мир.
– Я не представляю свою жизнь без тундры и оленей. Знаю, что в поселке тепло, светло, не нужно топить печь, идти за водой по холоду. Я живу в тундре не от безысходности. Мне нравится кочевая жизнь. Я люблю оленей. Это самые добрые, милые создания в мире. Они бескорыстно любят своих хозяев. Я часто помогаю мужу собирать стадо, потому что мне это нравится. Разговариваю с оленями, они слышат и понимают. Люблю ходить по тундре, наблюдать за природой, общаюсь с ней. Наш чум, который мы сами поставили – это самое лучшее место на планете. Каждый сантиметр жилища, его покрытие, каждый шест и тундровая мебель для меня бесценно. Чум придает сил. Здесь выросли наши дети, сейчас они приезжают на каникулы, – рассказывает Олеся Окотэтто, жительница Сеяхинской тундры.
Чум – особый тип жилища. Чум является удобными не только в сборке, но и комфортными с точки зрения быта в любое время года. На краю света, земле вечной мерзлоты, за многие годы ненцами был доведен до совершенства механизм создания, сборки и разборки мобильного дома. Увидеть своими глазами, как и в чем живут коренные народы, мечтают многие. Не отъезжая далеко от села, у гостей северного поселения такая возможность появилась несколько лет назад. Здесь открылась чум-мастерская. Общественная организация Ямальского района «Лэё» выиграла грант губернатора, на средства которого реализует проект «Мел” ӈуди” мя’». В переводе с ненецкого языка это означает «Дом умелых рук».
– Это пространство для творчества уже состоявшихся мастеров для передачи опыта подрастающему поколению коренных северян. Наша организация "Лэё" осуществляет содействие в организации и проведении культурно-массовых мероприятий, поддержку здоровому образу жизни населения и развитию волонтёрства и благотворительности, а также созданию и поддержке социально-значимых инициатив. Мы всегда рады гостям. Особенно хочется поблагодарить наших волонтёров, сеяхинцев, которые в любую погоду готовы помочь нам и помогают, – говорит Лариса Вануйто, руководитель МОО КМНС «Лэё».
В чуме организуются мероприятия патриотической направленности. Здесь проходят встречи с участниками боевых действий. В рамках проекта «Внеси СВОй вклад в Победу!» волонтёры и все желающие мастерят маскировочные халаты, сети, изготавливают сухой душ для участников специальной военной операции. Доброй традицией в ненецком чуме стала государственная регистрация заключения брака оленеводов. Кроме того, здесь проходят мероприятия на сохранение и развитие фольклорных традиций. Такие творческие встречи способствуют укреплению связей и приобщению молодежи к истокам традиционной культуры.
– Когда я приезжаю в поселок, всегда захожу в чум «Лэё». Сюда можно прийти с детьми, пообщаться с друзьями. Бывает, что остаюсь на пару дней в Сеяхе и чтобы не сидеть без дела, приношу свою работу в чум. Так, недавно я скоблила здесь шкуру на будущую ягушку. Бумажные дела «привозят» нас в посёлок, а ближе к вечеру заняться нечем. Вот здесь мы и встречаемся, – рассказывает Анастасия Окотэтто, жительница Сеяхинской тундры.
Создавая идею открытия чума, автор проекта Лариса Вануйто, руководствовалась тем, что традиционное жилище ненцев в Сеяхе станет местом притяжения односельчан и кочевников. Сегодня с уверенностью можно сказать, замысел удался. Уютный чум - мастерская никого не оставляет равнодушным. За 3 года существования согласно книге регистрации, посетили около 500 человек. Практичное жилье, позволяющее создать уют без излишеств почти в любом месте, не тревожа природу - чум является воплощением многовекового гения народа ненцев. Чумом и его конструктивными элементами можно пользоваться долгие годы, используя их максимально бережно.
Антонина Серасхова
Фото: Лариса Вануйто, Антонина Серасхова