Көршілес Қырғызстан мемлекетінің қазіргі президенті Садыр Жапаровты 2020 жылы билікке әкелген екі адамның бірі Қамшыбек Ташиев екендігі белгілі.
Біріншісі - Садыр Жапаровтың саяси тұтқындалуын қарсылық білдіріп, ақпараттық қолдау білдірген жұбайы Айгүл Жапарова.
Екіншісі - Қамшыбек Ташиев, Атажұрт партиясының төрағасы ретінде президенттік билікке Садыр Жапаровты алып келуге күш салған басты тұлғалардың бірі.
Қырғызстандағы оппозициялық күштер мен қылмыстық топтарды қаржыландыратын Қамшы Көлбаевтың өлтірілуіне де осы Қамшыбек Ташиевтің үлесі бар.
Қырғызстан ішінде "екі дос" аталып кеткен Садыр-Қамшыбек тандемінің саяси тұрақтылықты орнатқаны белгілі.
Алайда, Қырғызстанның вице-премьері мен Ұлттық Мемлекеттік Қауіпсіздік Комитетінің басшылығын қатар алып жүрген Қамшыбек Ташиевтің елдің 7 президенті болу ұмтылысы және ақпараттық ресурстарды жұмылдыруы - Садыр Жапаровтың президент аппаратына келеңсіз тудырғаны белгілі.
Зиялы қауым өкілдері мен құрылымдық күштердің Қырғызстан президентіне жолдаған осы жылы президент сайлауын өткізу туралы ашық хаты осыған айғақ (9 ақпандағы 75 адамның хаты).
Садыр Жапаров - құрылымдық күштер мен оппозициялық күштердің ашық байқалып келе жатқан наразылығын басу үшін өзін саяси билікке әкелген Қамшыбек Ташиевті қызметтен босатты.
Қырғызстан билігі Қамшыбек Ташиевті саяси биліктен босатқан бойда - Ташиев командасын саяси биліктен алып, ҰМҚК әрекетінде асыра сілтеушілік болғандығын ашық айтып жатыр.
Германияға емделуге кеткен Қамшыбек Ташиев Қырғызстанға келген бойда - өз наразылығын білдіретін болса тұтқындалатын болады. "Қырғызстан батыры" атағыда көмектеспейтін шығар.
Күш құрылымдарында басталған өзгерістер - ендігі кезекте Қырғызстанда ҰМҚК күшейтпейді.
Қамшыбек Ташиев - Қырғызстан тарихында өз миссиясын орындап шықты. Садыр Жапаровты билікке әкелді. Садыр Жапаровтың күштік құрылымдарға емес, саяси партияларға арқа сүйейтін кезеңі басталады.
Тіпті Қымшыбек Ташиев басқаруындағы ҰМҚК қызметіндегі өрескел қателіктер ашық жарияланып, бейресми айыптар Қамшыбек Ташиевтің мойнына ілігуі мүмкін
Сурет ғаламтордан алынды