“Alloh bir qavmning holatini o‘zgartirmaydi…” — o‘zgarish qayerdan boshlanadi

“Alloh bir qavmning holatini o‘zgartirmaydi…” — o‘zgarish qayerdan boshlanadi?

Ra’d surasi, 11-oyatda Alloh shunday deydi:

“Albatta, Alloh bir qavmning ahvolini ular o‘zlarini (ichki holatini) o‘zgartirmaguncha o‘zgartirmaydi.”

Bu oyat faqat diniy nasihat emas. Bu — hayot qonuni, biznes qonuni, jamiyat qonuni.

1. Biznes kontekstida

Ko‘p tadbirkorlar quyidagicha shikoyat qiladi:

— bozor ahvoli og’ir

— mijoz yo‘q

— reklama ishlamayapti

— xodimlar ma’suliyatsiz

Ammo savol boshqa joyda: biznes egasining o‘zi o‘zgardimi?

• U fikrlash tarzini yangiladimi?

• Eskirgan strategiyadan voz kechdimi?

• Jamoani boshqarishni o‘rgandimi?

• Qiymat yaratishga o‘tdimi yoki faqat sotishni o‘ylayaptimi?

Bozor hech qachon bir odamni ataylab “yemaydi”. Bozor faqat moslasha olmaganlarni siqib chiqaradi. Oyat bizga shuni aytyapti:

avval rahbar o‘zini izloh qiladi — keyin biznes o‘zgaradi.

2. Shaxsiy hayotda

Ko‘pchilik hayotidan norozi:

• pul yetmaydi

• munosabatlar buzilgan

• motivatsiya yo‘q

• doim bir joyda aylanib yurgandek

Ammo kamdan-kam odam o‘ziga savol beradi:

• men intizomlimanmi?

• va’damda turamanmi?

• har kuni nimadir o‘rganayapmanmi?

• muammolarim uchun boshqalarni ayblamayapmanmi?

Bu oyat bahona izlashni to‘xtatadi. Chunki Alloh sharoitni emas, insonni kutadi.

Inson ichki tartibini o‘zgartirmaguncha, tashqi hayoti o‘zgarmaydi.

3. Jamiyat miqyosida

Jamiyatlar ham xuddi inson kabi.

Korrupsiya, adolatsizlik, ishonchsizlik — bular faqat tizim muammosi emas, mentalitet muammosi.

• halollik qadriyat bo‘lmasa

• mas’uliyat shaxsiy darajada boshlanmasa

• “men emas, boshqalar” degan fikr ustun bo‘lsa

hech qanday islohot ishlamaydi.

Bu oyat shuni anglatadi:

jamiyatni o‘zgartirish — bir kishidan boshlanadi.

Xulosa

Bu oyat bizni ayblash uchun emas, mas’uliyatni eslatish uchun nozil bo‘lgan.

• Biznesda — strategiya emas, tafakkur o‘zgaradi

• Hayotda — sharoit emas, inson o‘zgaradi

• Jamiyatda — qonun emas, ong o‘zgaradi

Alloh va’da qilgan:

Agar ichkaridan o‘zgarsak — tashqarisi albatta o‘zgaradi.

@bilolalixans