Катлы пирог пешерү РЕЦЕПТЫ 👇🏻
✅ Кирәк булачак:
100гр су
180гр атланмай
1шт йомырка
7гр чүпрә
1аш кашы шикәр комы
Әәәәәз генә тоз (чәй кашыгының яртысы)
400гр он (кулга берекми торган итеп баскачканы салыгыз)
🔥 Камыр ясыйбыз:
Суда чүпрәне болгатып күпертәбез, йомшак атланмайны шунда салып, йомырка, тоз, шикәр комы өстәп яхшылап болгатабыз. Аннан соң онны салып кулга берекми торган камыр басабыз. Бер сәгатькә кабартырга куябыз.
🤤 Эчлекне ясыйбыз:
200шәр гр үзегез яраткан җимешне (бу очракта күрәгә, кара җимеш) юып иттарткычтан чыгарып, 2 аш кашыгы шикәр комы (баллырак яратсагыз күбрәк салсагыз да була), 100-150 гр су салып, куерганчы кабартабыз.
Камырны өчкә бүлеп - берсе олырак булырга тиеш, катлап җимешләрне салып пирог ясыйбыз.
180С° мичтә, 40-45 минут пешерәбез. Тәмле булсын! ☺️
