Баймаҡ районының Иҫке Сибай ауылында йәшәүсе Рәсәй Федерацияһының атҡаҙанған ауыл хужалығы хеҙмәткәре (1997 й.) Вәхитов Салауат Низаметдин улы 85 йәшлек күркәм юбилейын билдәләй.
«Салауат Низаметдин улы 1941 йылдың 5 ғинуарында доньяға килгән. 1961 йылда трактористар курсын тамамлағас, "Сибай" сохозының Үҙәк бүлексәһендә, хаҡлы ялға сыҡҡансы "тимер ат"ында, ер эшкәртеү, сәсеү һәм уңыш йыйыу эшендә фиҙәҡәр хеҙмәт итә.
Хеҙмәттә сыныҡҡан ир-уҙаманы тырыш хеҙмәте хөкүмәтебеҙ тарафынан II ( 1884 й.) III (1976 й.) дәрәжә "Хеҙмәт Даны" ордены, "Октябрь Революцияһы" (за выдающиеся достижения в области развития народного хозяйства…) ордены менән баһалана. Ауылыбыҙҙың яңы биҫтәһендәге бер урам Вәхитов исемен йөрөтә.
🌺Хөрмәтле Салауат Низаметдин улы 85 йәшлек күркәм юбилейығыҙ менән ҡотлап, һеҙгә иң изге теләктәребеҙҙе еткерәбеҙ. Ныҡлы һаулыҡ, уңыштар, сикһеҙ бәхеттәр, сәләмәт булып, дәртле кәйефтә оҙаҡ йылдар балаларығыҙ ҡурсалауында, татыу ғүмер итеүегеҙҙе теләйбеҙ, - тип яҙа иҫке сибайҙар социаль селтәрҙә.
